Siońnia, 4 traŭnia, zbornaja Biełarusi praviadzie pieršy matč kvalifikacyjnaha raŭndu na čempijanacie śvietu pa chakiei, jaki prachodzić u Rasiei. Supiernikam našych bajcoŭ, jakimi kiruje Kurt Frejzer, budzie zbornaja Kanady — 23‑ch razovy čempijon śvietu.
Hulnia projdzie ŭ Maskvie, u Ladovym pałacy na Chadyncy i pačniecca a 15.15 pa biełaruskim časie. Jaje pakažuć u žyvym etery na BT. Kali ž vy budziecie ŭ hety čas na pracy, abo ŭ vas u ofisie niama televizara, za hulnioj možna sačyć onłajn, naprykład, hetym sympatyčnym sajcie.
U čaćvier u našaj padhrupie «F», byli zhulanyja dva matčy. ZŠA pieramahli słavakaŭ — 4:2, a niemcy — niečakana zbornuju Čechii — 2:0.
Stanovišča kamandaŭ: Kanada — 6 punktaŭ (paśla 2 hulniaŭ), ZŠA, Čechija — pa 6 (paśla troch hulniaŭ), Słavakija, Niamieččyna — pa 3 (paśla troch hulniaŭ), Biełaruś — 0 (paśla dvuch).
Tut uličvajucca matčy, praviedzienyja pamiž kamandami na papiarednim etapie: h. zn. biełarusaŭ z čechami i amerykancami.
***
Siońnia taksama Rasieja zhulaje ź Italijaj, a ŭ ramkach turniru-zmahańnia za prava zastacca ŭ elicie Łatvija hulaje z Ukrainaj, a Narvehija z Aŭstryjaj.
6 traŭnia biełarusy zhulajuć sa Słavakijaj, a 7 traŭnia sa zbornaj Niamieččyny.
