Unutrypalityčnaja situacyja ŭ Biełarusi, padtrymka represavanych i viartańnie ambasadara Polščy ŭ Biełaruś stali temami sustrečy lidera demakratyčnych sił Biełarusi Alaksandra Milinkieviča z prezidentam Polščy Lecham Kačyńskim.
‑ My z prezidentam abmiarkoŭvali jakuju rola moža adyhrać Polšča ŭ demakratyzacyi Biełarusi. Ja padkreśliŭ ab nieabchodnaści viartańnia ŭ Biełaruś polskaha ambasadara, što, na maju dumku, palepšyła b našyja dvuchbakovyja adnosiny, — adznačyŭ pa vynikach sustrečy Alaksandr Milinkievič.
Padčas razmovy palityki damovilisia taksama pra praciah prahram padtrymki represavanych u Biełarusi.
— My praciahniem našyja prahramy dapamohi studentam, vyklučanym z VNU i ludziam, zvolnienym z pracy, — zajaviŭ prezident Polščy. — Polšča i nadalej budzie padtrymlivać demakratyčnyja pracesy ŭ Biełarusi i zrobić sa svajho boku ŭsio mahčymaje, kab Biełaruś dałučyłasia da Jeŭrasajuzu.
Siońnia ŭ druhoj pałovie dnia lider demakratyčnych sił Biełarusi praviadzie dvuchbakovyja pieramovy ź ministram zamiežnych spraŭ Polščy Annaj Fatyhaj, staršynioj Kamiteta zamiežnych spraŭ Jeŭraparłamienta Jacekam Saryjušam‑Volskim i mahčymym ambasadaram RP u Minsku spadarom Litvinym.
