Pa zahadzie dekana histaryčnaha fakulteta MDU imia A.Kulašova Uładzimira Barysienki 14 maja student Stanisłaŭ Kavaleŭski źniaty z pasady starasty.
S.Kavaleŭski bačyć u prykazie dekana palityčnuju padaploku. «Spačatku dekan źbiraŭsia vyklučyć mianie z univiersitetu, ab čym mnie havaryŭ nieadnojčy, ale nie znajšoŭšy dokazaŭ taho, što ja byŭ arhanizataram akcyi pratestu studentaŭ, vyrašyŭ prymianić inšyja mietady ŭździejańnia», — skazaŭ S.Kavaleŭski. — Ja byŭ abrany starastaj za toje, što mieŭ siaredni bał atestatu 8,6 i mieŭ druhoje miesca na respublikanskaj alimpijadzie pa historyi Vialikaj Ajčynnaj vajny. Ja taksama maju šerah dypłomaŭ i padziakaŭ za hramadskuju dziejnaść u svajoj škole i svaim horadzie Babrujsku i nie maju nijakich prablem z vučobaj va univiersitecie».
Jak paviedamiła BiełaPAN sakratar dekanata histaryčnaha fakulteta Ludmiła Ksiandzova, «Stanisłaŭ Kavaleŭski byŭ źniaty z pasady starasty za nizkuju paśpiachovaść».
Nahadajem, što 8 traŭnia na Savieckaj płoščy horada Mahilova była praviedziena studenckaja akcyja pratestu suprać admieny lhotaŭ, arhanizatarami jakoj vystupili studenty Mahiloŭskaha dziaržaŭnaha univiersiteta imia A.Kulašova. U akcyi ŭziali ŭdzieł kala 100 čałaviek.
