«Vyniki vybaraŭ nikoha nie ździviać z našych siabroŭ», - zajaviła 18 sakavika staršynia Centralnaj kamisii Respubliki Biełaruś pa vybarach i praviadzieńni respublikanskich refierendumaŭ Lidzija Jarmošyna padčas sustrečy ź misijami nazirańnia ad Mižparłamienckaj asamblei SND i Mižparłamienckaj asamblei Jeŭrazijskaj ekanamičnaj supolnaści.
Pavodle słoŭ Ł.Jarmošynaj, vybarčaja kampanija ŭ Biełaursi išła «dastatkova spakojna, pakul jaje nie sapsavali zvonku». Pavodle słoŭ kiraŭnika CVK, niekatoryja zachodnija krainy sprabujuć akazvać źniešni nacisk na Respubliku Biełaruś. Adnak hetyja pahrozy, na jaje dumku, «źjaŭlajucca pustymi». U vyniku biełaruski narod «jašče bolš zhurtujecca i prajavić svaje lepšyja jakaści - luboŭ da radzimy», zaznačyła Ł.Jarmošyna.
Jana zajaviła, što vybarčaja kampanija prachodzić u strohaj adpaviednaści z kalandarnym płanam, asablivych parušeńniaŭ nie zafiksavana, usie kandydaty «pastaŭleny ŭ całkam roŭnyja ŭmovy».
Kiraŭnik Centrvybarkama skazała, što vybary ŭ Biełarusi prachodziać adkryta. Za imi nazirajuć bolš za 30 tysiač unutranych i 1.265 mižnarodnych naziralnikaŭ.
Ł.Jarmošyna taksama dała charaktarystyku viadzieńnia kampanii apazicyjnymi kandydatami ŭ prezidenty. Pavodle jaje słoŭ, Alaksandra Kazulina možna było zdymać za kožnaje ź jaho vystupleńniaŭ, a kampanija Alaksandra Milinkieviča pabudavana «vyklučna na praviadzieńni niesankcyjavanych mitynhaŭ». Jak zaznačyła kiraŭnik CVK, tym samym A.Milinkievič i A.Kazuli złoŭžyvajuć svaim kandydackim statusam, prajaŭlajuć niepavahu da zakona i ryzykujuć biaśpiekaj hramadzian, zaklikajučy ich brać udzieł u niesankcyjavanych mierapryjemstvach. Adno ź ich adbudziecca 19 sakavika. «Hetaja akcyja niesankcyjavanaja i moža mieć dla hramadzian niepradkazalnyja nastupstvy», - skazała Ł.Jarmošyna mižnarodnym naziralnikam.
