Rasijskija chakiery, jakija atakavali sierviery ŭ Estonii, zabłakavali na niekalki dzion rabotu biełaruskaha interniet‑partała «Budaŭničaja birža» (www.buildinginfo.eu/by). Pra heta paviedamiŭ BiełaPAN dyrektar «Budaŭničaj biržy» Viačasłaŭ Buračenka.
Pakolki siervier biełaruskaha budaŭničaha partała znachodzicca ŭ Estonii, jon nie paźbieh šmatlikich sprobaŭ uzłomaŭ, što praciahvalisia na praciahu niekalkich tydniaŭ, zaznačyŭ V.Buračenka.
«Administratary partała www.buildinginfo.eu/by paśpieli zabłakavać ataki chakieraŭ, što dało mahčymaść zachavać bazu niepaškodžanaj, a ŭsie danyja ab budaŭničych abjektach, zakazčykach, padradčykach i tenderach zastalisia ŭ paradku», — skazał V.Buračenka.
Pryčynaj masiravanaj chakierskaj ataki na raźmieščanyja ŭ Estonii sierviery stali padziei, źviazanyja z demantažom u centry Talina pomnika savieckim voinam. Z‑za dziejańniaŭ chakieraŭ była ledź nie zabłakavanaja ŭsia virtualnaja infrastruktura Estonii. Paciarpieli, u pryvatnaści, sajty prezidenta, premjer‑ministra, parłamienta i inšych dziaržaŭnych orhanaŭ hetaj krainy, byli taksama ciažkaści ŭ pracy najbujnoha ŭ krainie banka i sajtaŭ niekalkich haziet.
Rasijskija ŭłady admaŭlajuć svajo dačynieńnie da chakierskich atak.
***
«Budaŭničaja birža» — administratar budaŭničaha partała — ŭ Biełarusi pracuje z pačatku 2006 hoda. Klijentami firmy źjaŭlajucca budaŭničyja, padradnyja arhanizacyi, prajekciroŭščyki, pastaŭščyki budmateryjałaŭ i inšyja.
