Zaśviarbieli kułaki
23 krasavika ŭ Miensku a 7-j hadzinie viečara byŭ zrobleny napad na paeta i žurnalista, stałaha aŭtara «NN» Słavamira Adamoviča. Dvoje złačyncaŭ atakavali jaho ŭ padjeździe domu, dzie znachodzicca redakcyja «NN», kudy Adamovič i nakiroŭvaŭsia. U vyniku niepraciahłaje sutyčki paet atrymaŭ lohkaje paškodžańnie tvaru. Śviedkami zdareńnia stali žychary kvateraŭ, jakija pačuli kryki i nabrali 02. Milicyjanty źjavilisia chutka, ale na miescy incydentu ŭžo nikoha nie zaśpieli.
S.Adamovič śćviardžaje, što jaho vysočvajuć specsłužby režymu ŭ źviazku ź jahonaj dziejnaściu na pasadzie sakratara Mienskaj haradzkoj kamisii pa vybarach prezydenta Biełarusi, jakija pryznačanyja na 16 traŭnia. Hvałtoŭnyja dziejańni specsłužbaŭ majuć namier zapałochać patryjotaŭ, jakija zachoŭvajuć viernaść zakonu i Biełarusi.
S.Adamovič kaža, što naiŭna pałochać tyčkaju ŭ tvar čałavieka, jaki prajšoŭ Łukašenkavu turmu i suchuju haładoŭku. A toje, što z nabližeńniem dnia vybaraŭ u dyktatury zaśviarbieli kułaki, śviedčyć tolki pra adno: režym hublaje vytrymku, baicca sam i spadziajecca, što spužajemsia my.
Mirasłaŭ Čantarycki
