KHB u ZBSie
23 vieraśnia ŭ ofis Zadzinočańnia biełaruskich studentaŭ zavitaŭ staršy lejtenant Kamitetu dziaržaŭnaj biaśpieki H.Sysoj. Napiaredadni jon telefanavaŭ staršyni ZBS Kryścinie Sidun i nastojliva prapanoŭvaŭ sustrecca, kab paznajomicca z hetaj studenckaj arhanizacyjaj i abmierkavać niejkija pytańni. Razmova tyčyłasia pikietaŭ, jakija budzie ładzić ZBS 27 i 28 vieraśnia. Pikiety projduć pad nazvaj «Kožnamu studentu pa dachu». Meta hetych pikietaŭ — pryciahnieńnie ŭvahi da prablemy z raśsialeńniem studentaŭ pa internatach. Mienavita hetaja aktyŭnaść, nijak nie palityčnaja, napiaredadni akcyjaŭ apazycyi i vyklikała zaniepakojenaść orhanaŭ dziaržbiaśpieki. Razmova doŭžyłasia kala 20 chvilinaŭ. Na praciahu razmovy st.lejtenant H.Sysoj zadavaŭ pytańni ab kolkaści studentaŭ u arhanizacyi, ab mierapryjemstvach, jakija planuje pravodzić u budučym ZBS. Sa słovaŭ sp.H.Sysoja, jahonaje viedamstva vielmi cikavicca prablemami studentaŭ, ich vučobaj, ciažkaściami, jakija ŭźnikajuć u stasunkach studentaŭ z vykładčykami. Tavaryš z KHB prapanavaŭ Kryścinie Sidun u vypadku ŭźniknieńnia niejkich ciažkaściaŭ źviartacca pa dapamohu da ich u KHB, i jany abaviazkova raźbiarucca z hetym, dapamohuć studentam i z vučobaj, i z atrymańniem internatu, tolki, maŭlaŭ, pikiety nie vystaŭlajcie, nie aktyvizujcie studenckich masaŭ. ZBSu pryjemna: uvaha!
Student
