Sajuz hoładu i choładu
Na minułym tydni (18—24 kastryčnika) u Pinsku ŭrešcie pačali davać u kvatery ciapło. Adnak uvohule na Pinščynie narychtavali tolki 20% ad nieabchodnaj kolkaści mazuty. Na Stolinščynie nazapašana 600 tonaŭ mazuty, prytym, što da kanca biahučaha hodu nieabchodna mieć kala 4000 ton. Chutčej za ŭsio, uzimku žychary Stolina i Stolinskaha rajonu haračaj vadoj zabiaśpiečvacca nia buduć. Amal toje samaje ŭ Łunincy, Janovie, Drahičynie.
Brakuje taksama zvadkavanaha hazu. U chaty, dzie jość hrubki i drovy, haz uvohule nie zavozicca — ličycca, što tam ježu možna pryhatavać biaz hazu. Pinsk atrymlivaje tolki treciuju častku ad nieabchodnaj kolkaści balonaŭ. Z-za abmiežavańnia pastavak błakitnaha paliva ŭ haradach rehijonu stvarylisia vializnyja čerhi. Bolš za paŭtysiačy čałaviek čakajuć hazu ŭ Janovie, a ŭ Baranavickim rajonie čarha dasiahnuła 3 tysiačaŭ. Na aŭtazapraŭkach rasparadžeńniem abłvykankamu ŭstanoŭlenyja normy prodažu benzinu i dyzelnaha paliva.
Načalniki ŭsich uzroŭniaŭ adnadušna tłumačać deficyty niedapastaŭkami albo padvyšeńniem cenaŭ na enerhanośbity z boku Rasiei. U toj ža čas hetyja ž načalniki pierakonvajuć palešukoŭ u nieabchodnaści jak maha chutčej padpisać sajuznuju damovu. Kruciali.
Ź Pinsku — Alaksiej Dzikavicki
