Viestki z Padniaproŭja
Mis čyhunki
Niadaŭna čyhunačniki abrali «mis» Mahiloŭskaj čyhunki. Na charastvo i tak, i hetak, ale nadta łaskavaja była na scenie.
Słabyja
U Prapojskim rajonie abśledavali ludziej i vyjavili, što kožny druhi maje chvoruju ščytapadobnuju załozu. U Bychaŭskim rajonie pavodle źviestak daktaroŭ kožnaje čaćviortaje dzicia — chvoraje.
Choład
U Mahilovie znoŭ spynili aciapleńnie kvateraŭ. Kažuć, na dvary žaryć. Pachaładnieła j vada ŭ kranach.
10000 rubloŭ salidarnaści
Mahiloŭski pravaabarončy centar raspačaŭ akcyju «Salidarnaść». Nia ŭsie zdatnyja vyjści na płošču, nia ŭsie mohuć adkryta zmahacca, ale choć štości zrabić moža kožny. Tamu centar zaklikaje ludziej achviaravać nievialičkaj sumaj — 10000 rubloŭ — na apłatu šalonych štrafaŭ, jakija nakładvaje dziaržava na ŭdzielnikaŭ mitynhaŭ i demanstracyjaŭ. Možna zdavać i bolš, chto moža.
Symon Hłazštejn