BIBLIJATEKA
Demitalahizacyja Mašerava
Simurov A. Voždi, vožaki, vožački: tajnymi koridorami vłasti. — Miensk: Paradoks, 1999.— 248 s. ISBN 985-451-006-9
Kali ličyć nacyjanalnych hierojaŭ Biełarusi ŭ katehoryi «palityka» pa markach «Biełpošty», dyk za ŭsiu tysiačahadovuju historyju krainy takich nabrałosia ažno piać čałaviek: lehiendarny Rahvałod, Mikałaj Radzivił «Čorny», Leŭ Sapieha, Piatro Mašeraŭ i siońniašni lider. Pakolki razmova ŭ recenzavanaj knižcy idzie pra takoha ranhu kiraŭnikoŭ respubliki ŭ časy panavańnia savietaŭ, dyk u pieršuju čarhu nas cikavić znakamity partyzan — samy słynny z toj plejady.
Tvorčuju niemač aŭtaraŭ, što pišuć na «mašeraŭskuju» temu, zaŭvažali daŭno, bo pik vydańnia knih pra zhadanuju asobu pryjšoŭsia na 1992—1993 hady. I ŭ 1998 h., kali šyroka śviatkavałasia 80-hodździe z dnia naradžeńnia Mašerava, z adnoj knižki ŭ druhuju praciahvali pierachodzić niecikavyja apaviadańni ni pra što: «pieršym stvaryŭ kamsamolska-maładziožnaje padpolle, pieršy padniaŭsia ŭ ataku». Ale ci ž hetkimi śćvierdžańniami možna pierakanać sučasnaha daśviedčanaha čytača ŭ tym, što razmova idzie pra nacyjanalnaha hieroja? Tut patrabujucca fakty, a kali ich niama, to atrymlivajecca, jak u starym anekdocie: «A što kazać, kali niama čaho kazać?»
U hetym sensie vyhadna adroźnivajecca ad raniej nadrukavanaha knižka A.Simurava, ułasnaha karespandenta hazety «Praŭda» ŭ Biełarusi. Hałoŭnaja kaštoŭnaść hetaj pracy ŭ tym, što aŭtar piša tolki pra toje, što sam bačyŭ, čamu byŭ śviedkam.
Sa staronak uspaminaŭ niekatoryja šyrokaviadomyja kiraŭniki respubliki ŭ minułyja hady, a nia tolki P.Mašeraŭ, pradstajuć pierad čytačami biez areołu palityčnaj vieličy, u nieparadnych sytuacyjach, naprykład, u hramadzkaj prybiralni, kali achova adnaho z partyjnych bosaŭ pierakryvaje ŭvachod, dazvalajučy zajści tudy tolki «samomu». Astatnija, «prostyja i śmiarotnyja», vymušany ź nieciarplivaściu čakać, z hłybokaj pašanaj u dumkach namalavać sabie adkaznuju pozu partyjca nad pisuaram.
A.Simuraŭ dapaŭniaje novymi štrychami partrety amal «kananizavanych» asobaŭ, i pieradusim P.Mašerava. Choć u knizie jamu pryśviečana ŭsiaho niekalki staronak, aŭtaru ŭdałosia ažyvić voblisk słavutaha partyzana. Bahata pra što havoryć, naprykład, takaja padrabiaznaść: žadajučy dahadzić maskoŭskamu karespandentu, Mašeraŭ adpraŭlaje specyjalny samalot, kab dastavić jaho ź Miensku ŭ Maskvu.
Ułasnyja karespandenty «Praŭdy» nahadvajuć usiudyisnyja i ŭsiudypranikalnyja «vočy i vušy» centralnaha orhanu KPSS. Jany nia tolki na roŭnych razmaŭlajuć ź pieršymi asobami sajuznych respublik, ale zdolnyja navat pryvieści ŭ paniku kiraŭničuju elitu z krainaŭ «sacyjalistyčnaha lahieru», ad jakich mohuć ultymatyŭna patrabavać pryniać toje ci inšaje rašeńnie.
Adčuvajecca, što aŭtar moh dać i bolš matarjału, ale niešta jaho strymlivała. Pra siabie piša ščyra, amal jak na spoviedzi, pra byłych kiraŭnikoŭ usio-tki z aściarohaju.
H.Turovič
Novyja knihi, dasłanyja ŭ redakcyju
Archiealohija Biełarusi: U 4 t. T. 2: Žalezny viek i rańniaje siaredniaviečča/ A.Jeharejčanka, V.Šadyra, V.Viarhiej dy inš.; Pad redakcyjaj V.Šadyry, V. Viarhiej. — Miensk: Biełaruskaja navuka, 1999. — 502 s.: ił. — Nakład 1300 as. ISBN 985-08-0089-5
Papiaredni tom hetaha hustoŭna azdoblenaha j hruntoŭna napisanaha vydańnia byŭ vydadzieny ŭ 1997 h. Ciapier razhladajucca pomniki biełaruskaj archiealohii žaleznaha vieku (ad 8 st. da n.e. da 8 st. n.e.). U knizie bahata ilustracyjaŭ, schiemaŭ i planaŭ pomnikaŭ. Cana 1 miljon rubloŭ.
U.Jermałajeŭ. Radkom pa kumpale: Humarystyčnyja, satyryčnyja vieršy, litaraturnyja parodyi/ Pradmova Ja.Malca. — Miensk: Mastackaja litaratura, 1998. — 111 s.: ił. — Nakład 3000 as. ISBN 985-02-0220-3
Č.Kirviel, A.Barodzič, U.Razenfeld dy inš. Historyja filazofii: Navučalny dapamožnik dla studentaŭ vyšejšych navučalnych ustanovaŭ/ Pad redakcyjaj praf. Č.Kirviela. — Horadnia: HDU, 1997. — 917 s.: ił. — Nakład 2000 as. ISBN 985-417-039-Ch
Unikalnaja źjava — upieršyniu pa-biełarusku vychodzić narys historyi filazofskaje dumki ad jejnaha zaradžeńnia da sučasnaści ŭłučna ź vialikim blokam biełaruskaje filazofii. Nabyć možna tolki na knižnym kirmašy la st. m. «Pieršamajskaja» (u budynku kancertnaje zali «Miensk»).
V.Kuncevič. Horkaja spakusa: Kniha liryki. — Miensk: Biełaruski knihazbor, 1999. — 176 s. — Nakład 500 as. ISBN 985-6318-51-3
Pamiać: Histaryčna-dakumentalnaja kronika Kleckaha rajonu/ Układalnik M.Kusiankoŭ; Mastak E.Žakievič. — Miensk: Mastackaja litaratura, 1999. — 622 s. — Nakład 5053 as. ISBN 985-02-0486-9
Čarhovaja kniha hetaje seryi, jak zaŭždy, maje adbitki času: Ryhoravič i mnostva čyrvonych partyzanaŭ hladziać z bačynaŭ. Histaryčny matarjał ciešyć najaŭnaściu cikavych fotazdymkaŭ i dakumentaŭ. Nieŭzabavie budzie ŭ kniharniach.
V.Staryčonak. 150 tvoraŭ ź biełaruskaje litaratury. U dapamohu abituryjentam i školnikam. — Miensk: Vyšejšaja škoła, 1999. — 383 s. — Nakład 6000 as. ISBN 985-06-0521-9
M.Šumiejka, K.Kazak, V.Sielamienieŭ. Archivoviedienije Biełarusi. Učiebnoje posobije dla studientov istoričieskich fakultietov vuzov v 2-ch častiach. Č. 1: Istorija i orhanizacija archivnoho dieła/ Miensk: Vydaviecki centar RIVŠ, 1998. — 216 s. — Nakład 300 as.
M.Šumiejka, K.Kazak, V.Sielamienieŭ. Archivoviedienije Biełarusi. Učiebnoje posobije dla studientov istoričieskich fakultietov vuzov v 2-ch častiach. Č. 2: Tieorija i mietodika archivnoho dieła/ Miensk: Vydaviecki centar RIVŠ, 1998. — 196 s. — Nakład 300 as.
Upieršyniu ŭ Biełarusi padrychtavany navučalny dapamožnik, što znajomić z historyjaj biełaruskich archivaŭ i archiŭnaje spravy ad časoŭ Połackaha kniastva j Vialikaha Kniastva Litoŭskaha da našych dzion. Kniha praz abmiežavany nakład pajšła ŭ biblijateki. Maje šmat kaštoŭnych dadatkaŭ i hruntoŭna raskryvaje techniku farmavańnia j zachavańnia archiŭnych fondaŭ. Recenzii ŭ Biełarusi dahetul na hetuju pracu niama, va Ŭkrainie ŭžo pachvalili.
V.Šyrko. Vuń čuryłaviec pajšoŭ: Humarystyčnaja apovieść. — Miensk: Mastackaja litaratura, 1999. — 318 s.: ił. — Nakład 1200 as. ISBN 985-02-0236-Ch
Knihi čytaŭ Viktar Muchin
