sport
Łukašenka nia daŭ baskietbalistam treniravacca
Jany prajhrali palakam 76:81
Sustrečy papiaredničała para kanfuzaŭ. Spačatku palakaŭ, jakija prylacieli na papiarednija hulni, bolš za dźvie hadziny pratrymali ŭ aeraporcie «Miensk-2», znajšoŭšy byccam niejkija niedachopy ŭ dakumentach. Paśla, u dzień hulni, biełaruskija baskietbalisty, jakija pryjechali na ranišniuju treniroŭku, nie mahli trapić u Pałac — dźviery byli blakavanyja łancuhom amonu. Na małoj arenie Pałacu hulaŭ u chakiej Łukašenka z kampanijaj. Na dovady «my baskietbalisty» achova nie reahavała.
Praz paŭhadziny baskietbalistaŭ narešcie puścili. Taksama z-za Łukašenki na 3 hadziny adciahnuli prodaž kvitkoŭ u kasach Pałacu sportu, i pary dziasiatkaŭ balelščykaŭ daviałosia pamierznuć.
Sam ža matč atrymaŭsia dosyć cikavy. Biełarusy 30 z 40 chvilinaŭ viali ŭ liku, ale pad kaniec stamilisia i prajhrali, što zasmuciła 3000 balelščykaŭ, jakija dobra kryli matam našych lehijaneraŭ, vychodziačy z zali.
Alaksiej Šydłoŭski
