Novyja knihi, dasłanyja ŭ redakcyju
U.Arłoŭ, H.Sahanovič. Dziesiać viakoŭ biełaruskaj historyi (862—1918): Padziei. Daty. llustracyi. — Vilnia: Naša Budučynia, 1999. — 223 s. — Nakład 5000 as. ISBN 986-9219-8-8
Hetaja kniha musiła vyjści niekalki hadoŭ tamu ŭ Miensku, ciapier narešcie vydadzienaja ŭ Vilni j budzie dobrym padarunkam nia tolki małym biełarusam — kamu jana najpierš adrasavanaja, ale i ŭsim lubcam rodnaje minuŭščyny. Na karyść hetaha śviedčać i aŭtary knihi.
S.Asinoŭski. Miensk: Daviednik. — Miensk: Połymia, 1999. — 144 s.: ił. — Nakład 3000 as. ISBN 985-07-0205-2
U dadatak da zialonaje biełaruska-anhielskaje versii hetaje knihi vypuščanaja biełaruska-niamieckaja — siniaha koleru j čamuści trochi tańniejšaja.
Jo.-V.Hiote. Vybranyja tvory/ Układańnie, pradmova Ł.Barščeŭskaha i P.Kopanieva, kamentary Ł.Barščeŭskaha i V.Siomuchi. — Miensk: Biełaruski knihazbor, 1999. — 640 s., (2) ark. ił. — (Biełaruski knihazbor: BK. Seryja 3, Zamiežnaja litaratura). — Nakład 3500 as. ISBN 985-6318-55-6
Hetaja kniha nia tolki pieršaje pasavieckaje dy najpaŭniejšaje vydańnie tvoraŭ Hiote ŭ biełaruskaj movie, ale j pieršaja kniha novaje seryi «Biełaruskaha knihazboru», dzie majuć vydavacca tamy zamiežnaje klasyki ŭ biełaruskim pierakładzie. Upieršyniu ŭ vydańni źmieščany raman «Pakuty maładoha Vertera» ŭ pierakładzie Lavona Barščeŭskaha j libreta Antona Radziviła da jahonaje opery «Faŭst». «Biełaruski knihazbor» uziaŭsia za vydavańnie zamiežnaje klasyki ŭ tym časie, jak vydaviectva «Mastackaja litaratura» ŭžo nia ciešyć nadziejaj na praciah seryi «Skarby suśvietnaj litaratury».
Ł.Marakoŭ. Valery Marakoŭ: Los, kronika, kantekst. — Miensk: Biełaruski knihazbor, 1999. — 192 s. — Nakład 100 as. ISBN 985-6318-47-5
Zamožny naščadak paeta Valeraha Marakova, papracavaŭšy ŭ archivach FSB, vydaŭ na hlancavaj papiery (sic!) usiaho 100 asobnikaŭ knihi pra svajho prodka ź vialikaj kolkaściaj redkich fotazdymkaŭ inšych biełaruskich tvorcaŭ, nabytych aŭtaram u archivach rasiejskich specsłužbaŭ. Kali vy majecie ciapierašnija try tysiačy, dyk źviarnieciesia ŭ vydaviectva, dzie možna damovicca ab nabyćci hetaha rarytetu.
A.Marcinovič. U časie praśvietlenyja tvary / Histaryčnyja ese, narysy. — Miensk: Połymia, 1999. — 448 s.: ił. — Nakład 3000 as. ISBN 985-07-0297-4
Hetaja kniha jość praciaham dvuchtomavika «Adkul my, adkul…». Pierad čytačom paŭstajuć viadomyja j amal zabytyja postaci biełaruskaje minuŭščyny. Dla lubcoŭ histaryčnych knih.
N.Maciaš. Dušoju ź niebam havaryć: Vybranaja liryka. — Miensk: Mastackaja litaratura, 1999. — 462 s. — (Biełaruskaja paezija 20 st.). — Nakład 2000 as. ISBN 985-02-0438-9
Narešcie vyjšaŭ zbornik vybranych tvoraŭ biełaaziorskaj paetki ŭ «załatoj seryi» biełaruskaje klasyki XX st. Kniha, praŭda, kaštuje nie małyja hrošy — blizu kolišniaha miljonu, u vydaviectvie tańniej.
A.Sieržputoŭski. Kazki j apaviadańni biełarusaŭ-palešukoŭ/ Mastak V.Miščanka. — Miensk: Universyteckaje, 1999. — 191 s. — Nakład 3000 as. ISBN 985-09-0304-Ch
Heta pieršaje pa 1911 h. pieravydańnie falklornaha zborniku, u jakim źmieščanyja lepšyja ŭzory narodnaje kazačnaje prozy nasielnikaŭ paŭnočnaje Mazyrščyny j paŭdniovaje Słuččyny. Kniha jość praciaham padobnaha vydańnia pra zababony j prymchi palešukoŭ.
Čytaŭ knihi Viktar Muchin
