Administracyja śpieckamiendatury Mahilova pryniała rašeńnie vypuskać u horad adnaho ź lideraŭ «Maładoha frontu» Artura Fińkieviča tolki na paŭtary‑dźvie hadziny.
10 červienia major Uładzimir Michajłaŭ dazvoliŭ maładafrontaŭcu vyjści ŭ horad tolki na paŭtary hadziny. Artur Fińkievič źbiraŭsia paśpieć chacia b u łaźniu i cyrulniu. Zaznačym, što ciapier u Mahilovie staić tryccacihradusnaja śpiakota, a duš u śpieckamiendatury ramantujecca. Major Michajłaŭ prapanavaŭ Fińkieviču schadzić tolki ŭ cyrulniu, maŭlaŭ, «tam tabie i hałavu pamyjuć». Maładafrontaviec paličyŭ hetu prapanovu ździekam i ŭvohule admoviŭsia iści ŭ horad.
Artur Fińkievič tłumačyć takija pavodziny kiraŭnictva śpieckamiendatury tym, što jon złosny parušalnik režymu. Da taho ž, maładafrontaviec staić na ŭliku jak asoba schilnaja da pabiehu. Heta farmalnyja pryčyny, pa jakich možna nie puścić u horad ci abmiežavać čas znachodžańnia ŭ horadzie.
Ź inšaha boku, administracyja «chimii» abaviazanaja vypuskać Fińkieviča, bo jon musić pa praviłach utrymańnia vyhladać achajna. Nieachajny vyhlad moža stać padstavaj dla čarhovaha spahnańnia.
