Tydzień našaha žyćcia
Niezaležnyja kandydaty iduć na vybary
Apazycyja inicyjavała zbor podpisaŭ za referendum u padtrymku «čatyroch punktaŭ» umovaŭ svabodnych vybaraŭ. Ładzić akcyju Kaardynacyjnaja Rada Demakratyčnych Siłaŭ, pačacca jana maje na pačatku vieraśnia i maje na mecie pryciahčy ŭvahu hramadzkaści da niedemakratyčnaści parlamenckich vybaraŭ, jakija Łukašenka pravodzić u kastryčniku, i da budučaj prezydenckaj kampanii, u jakoj, mahčyma, apazycyja źbirajecca brać udzieł. Inicyjatyŭnuju hrupu referendumu ŭznačaliŭ Viktar Ivaškievič, adzin ź lideraŭ BNF i svabodnych prafsajuzaŭ. Metaju pracy hrupy budzie sabrać 500—600 tysiačaŭ podpisaŭ u padtrymku referendumu. Praŭda, byccam by ŭ praviadzieńnie samoha referendumu apazycyja nia vieryć.
Tymčasam usie, chto choča pajści na vybary, rehistrujuć svaje kandydatury. Siarod ich i dosyć viadomyja ludzi – siamja Čyhiroŭ, Nina Stužynskaja, Jury Marozaŭ, Alaksandar Płaskavicki, Viktar Ščukin. Pravaja presa ŭžo ź nieciarplivaściu pryvitała perspektyvu stvareńnia bloku niezaležnych kandydataŭ. Sapraŭdy, u sytuacyi, kali partyi nie karystajucca hramadzkim davieram, najlepšy šaniec trapić u parlament dla demakratyčnych aktyvistaŭ – heta vyłučacca ŭ jakaści niezaležnych kandydataŭ. Było b dobra, kab u kožnaj akruzie akazałasia pa adnym kandydacie, za jakoha nia soramna było prahałasavać tamu, chto ŭsio ž źbirajecca pryjści na vybary, niahledziačy na rašeńnie demakratyčnych siłaŭ pra ich bajkot.
Siarod partyjaŭ, što abaraniajuć intaresy biełaruskamoŭnych, tolki Narodnaja Hramada Mikoły Statkieviča zajaviła, što nia budzie zabaraniać svaim siabram balatavacca ŭ łukašenkaŭski parlament. Mnohija siabry hetaj partyi źbirajucca pazmahacca za miescy ŭ pałacie. Usie astatnija trymajucca ćviordaha bajkotu.
Alaksandar Łukašenka paabiacaŭ za paŭhady davieści siaredni zarobak u krainie da 100 dalaraŭ. Heta značyć, što kurs dalara miarkujuć trymać na adnym uzroŭni, a ceny i zarobki – adpuścić. Sumnieŭny ekanamičny eksperyment. Mabyć, u ramkach hetaj palityki znoŭ na 15% padaraželi pasłuhi telefonnaj suviazi i, u jaki ŭžo raz – benzyn. Maleńki pieravarot adbyŭsia i z apłataju za kamunalnyja pasłuhi: ciapier ludzi majuć pa poŭnym taryfie biez datacyjaŭ płacić za liški płoščy: a liškam u našaj dziaržavie ličać 20 kv.m na čałavieka plus jašče 10 na siamju.
Dažynki sioleta majuć pravodzić u Škłoŭskim rajonie. Škłoŭ rychtavali da Dažynak letaś, ale tady sabrali tak mała zbožža, što soramna było śviatkavać.
Sensacyjnuju navinu paviedamiła ŭ Čechii najbujniejšaja hazeta krainy «Lidove naviny»: jana atrymała vartyja davieru źviestki, što rasiejskaja specsłužba FSB finansuje miascovyja ultrapravyja i ultralevyja ekstremisckija arhanizacyi, usich tych, chto vystupaje suprać dałučeńnia krainy da NATO.
Były premjer-ministar krainy Siarhiej Linh staŭ pradstaŭnikom Biełarusi pry AAN.
Aŭtorak – katalickaje Spleńnie. Dzień, kali ŭ kaściołach śviaciać kvietki. Subota – pravasłaŭny Spas. Dzień, kali ŭ carkvach śviaciać jabłyki.
B.T.
