Novyja knihi, dasłanyja ŭ redakcyju
A.Butevič. Rasstajny pach asotu: Apovieść, apaviadańni: Dla siaredniaha j starejšaha školnaha vieku/ Mastak V.Sakałoŭ. – Miensk: Junactva, 2000. – 143 s., (8) ark. ił.: ił. – Nakład 3000 as. ISBN 985-05-0232-0
Anatol Butevič bolš viadomy nie jak piśmieńnik, a jak ministar kultury j druku kiebičaŭskaha ŭradu, sychod jakoha symbalizavaŭ kaniec kolkihadovaje biełarusizacyi. Kab paznajomicca z tvorčaściu kolišniaha ŭradoŭca, treba zapłacić 380 rub.
A.Hrymać. Farmavańnie maralnych ideałaŭ školnikaŭ: Manahrafija. – Miensk: Hieamant, 2000. – 448 s.—Nakład 1000 as. ISBN 985-6266-06-8
U nas niašmat vychodzić knih z pedahohiki j psychalohii pa-biełarusku. Heta — dobry vyniatak. Aŭtar, vydatny biełaruski navukoviec, razhladaje prablemy stanaŭleńnia dy isnavańnia maralnych ideałaŭ školnikaŭ na prykładzie biełaruskich dziaciej.
Daviednik biełaruskich hramadzkich abjadnańniaŭ/ Składalniki H.Hlebka dy inš. – Miensk: UP “Novik”, 2000. – 340 s. – Nakład 1000 as. ISBN 985-6154-14-6
Daviednik źmiaščaje infarmacyju ŭ biełaruskaj i anhielskaj movach pra 1919 hramadzkich zadzinočańniaŭ dy ichnyja arhanizacyjnyja struktury (nazoŭ, data rehistracyi/pierarehistracyi, imia j proźvišča kantaktnaj asoby, paštovy adras, numar telefonu, telefaksu, adrasy staronki ŭ Internecie i elektronnaje pošty) pavodle stanu na 1 červienia 2000 h. Padajecca klasyfikacyja arhanizacyj pavodle kirunkaŭ dziejnaści.
Kantakty j dyjalohi. № 9 (57), vierasień 2000 h. – Miensk, 2000. – 64 s.: ił. – Nakład 299 as.
Biuleteń Mižnarodnaj asacyjacyi biełarusistaŭ hałoŭnaju temaju hetaha numaru ŭziaŭ skarynaznaŭstva. M.Pałkaŭničenka daśleduje suviazi F.Skaryny z A.Dureram, V.Deluha z Varšaŭskaha ŭniversytetu vyvučaje supracoŭnictva aśvietnika z praskimi žydoŭskimi drukarami. Aproč taho ŭ vypusku “Kantaktaŭ i dyjalohaŭ” znojdziecie recenzii na redkija navukovyja vydańni ź biełarusaznaŭstva j biblijahrafiju na hetuju ž temu za apošni čas.
Kurjer. № 3, vierasień 2000 h. – Miensk, 2000. – 48 s.: ił. – Nakład 5300 as.
Čytačy “Kurjeru” čakali hetaha numaru ad traŭnia. Za leta časapis amal całkam pieratvaryŭsia ŭ rasiejskamoŭny: tolki siem niapoŭnych staronak z saraka vaśmioch – pa-biełarusku. Čysta biełaruskija tolki vokładka j źmiest. Drukujucca teksty S.Bukčyna “Medyjamuraški j ichnyja haspadary”, U.Dorachava “Bajkot vybaraŭ: što dalej?”, Ju.Drakachrusta “Elitny varyjant”. Asobna varta vyłučyć tekst žurnalista “Sovietskoj Biełoruśsii” S.Krapivina pra toje, jak paŭstahodździa tamu ŭ da- i pavajennaj zachodniebiełaruskaj vioscy ŭzbahačalisia navat amerykancy. Cana numaru ŭ šapikach “Biełsajuzdruku” – 300 rub.
A.Licin. Kraina iluzij: Kataloh fatazdymkaŭ. – Miensk: Unipack, 2000. – 37 s. – Nakład 100 as. ISBN 985-6418-28-3
Mahiloŭski fotamastak azdobiŭ albom svaich zdymkaŭ pra sučasnaje žyćcio biełarusaŭ vieršami svaich siabroŭ, mahiloŭskich paetaŭ i paetak V.Vierabjovaj, Dz.Haraninavaj, A.Kolik, E.Miadźviedzkaha, Ju.Ramanava. U druhoj pałovie vieraśnia ŭ mienskim Muzei vyjaŭlenčaha mastactva adbyvałasia fotavystava A.Licina.
Słavutyja imiony Baćkaŭščyny: Zbornik. Vypusk 1/ Układalnik U.Hilep dy inš.; Redakcyjnaja kalehija: A.Hryckievič (hałoŭny redaktar) dy inš. – Miensk: Biełaruski fond kultury, 2000. – 384 s. – Nakład 2000 as. ISBN 885-6523-07-0 (Vyp. 1) ISBN 985-6523-06-0
Hetaju knihaju raspačata seryja vydańniaŭ, pryśviečanych słavutym ludziam našaje ziamli. U pieršym vypusku, adzinaja zahana jakoha — adsutnaść partretaŭ słavutaściaŭ, źmieščany žyćciapisy Eŭfrasińni Połackaj, Mikałaja Radziviła, Aŭstacha Vałoviča, Symona Budnaha, Ramana Sanhuški, Vasila Ciapinskaha, Chviedara Jeŭłašoŭskaha, Mikałaja Kryštapa Radziviła, Lava Sapiehi, Jana Karala Chadkieviča, Kazimiera Siemianoviča, Kazimiera Lava Sapiehi, Uršuli Franciški Radzivił, Michała Karyckaha, Vincenta Ravinskaha, Jazepa Chodźki, Ihnata Damiejki, Alaksandra Chodźki, Napaleona Ordy, Vincenta Dunina-Marcinkieviča, Uładzisłava Syrakomli, Žyhimonta Jelskaha, Alaksandra Vincenta Jelskaha, Franciška Benedykta Bahuševiča, Zyhmunta Miniejki, Ivana Jarkoŭskaha, Žyhimonta Flarenta Ŭrubleŭskaha, Edvarda Adama Vajniłoviča, Jakuba Narkieviča-Jodki, Mikałaja Sudziłoŭskaha, Maryi Bahuševič i Adama Hurynoviča. Kniha maje dychtoŭnuju karyčnievuju aplotku z załatym ciśnieńniem. Cana – 2400 rub.
Padrychtavaŭ Viktar Muchin
