Heta praduhledžana ŭ zaćvierdžanaj biełaruskim uradam prahramie ekanomii enerharesursaŭ da 2011 hodu. Čakajecca, što pieramovy z Rasiejaj adnosna padvyšeńnia tranzytnych taryfaŭ pačnucca ŭ lipieni.
Prahrama prapanuje, jak źnizić straty biudžetu ad padvyšeńnia cenaŭ na enerhanośbity.
Ministerstva enerhietyki pavinna budzie «rehularna prapracoŭvać mahčymaści pavieličeńnia transpartnaha dachodu «Biełtranshazu» za košt pavieličeńnia taryfaŭ na tranzyt rasiejskaha pryrodnaha hazu na pa systemach mahistralnych šaŭapravodaŭ, raźmieščanych u Biełarusi».
Apreč padvyšeńnia tranzytnych taryfaŭ planujecca vykarystoŭvać enerhaefektyŭnyja technalohii. Prykładam, na pradpryjemstvie «Biełaruśnafta» planujecca stvaryć ułasnyja mini‑TEC, jakija buduć vypracoŭvać elektraenerhiju na spadarožnym hazie, — paviedamlajuć «Iźviestija» sa spasyłkaj na ITAR‑TASS.
Dla źmianšeńnia zakupak nafty planujecca raźvivać vytvorčaść dyzielnaha bijapaliva. Siarod zaplanavanych zachadaŭ i pryciahnieńnie zamiežnych investycyjaŭ dla vytvorčaści etanołu. Jaho vykarystoŭvajuć ŭ jakaści bijapaliva dla benzynavych ruchavikoŭ.
