Ja za Hančaryka
Moža, Vas uziaŭ podziŭ, što niechta prahałasavaŭ by za Ŭ.Hančaryka? Moj viek davoli ŭžo stały — 72 hady, jość što ŭspomnić. Pomniu, savieckija prafsajuzy pravodzili vialikuju rabotu pa zadavalnieńni sacyjalnych patrebaŭ pracoŭnych: tut i lhotnyja pucioŭki ŭ sanatoryi, u damy adpačynku, pijanerskija lahiery, dziciačyja sadki, arahanizacyja mastackaj samadziejnaści i h.d.
Amal kožny zavodzik ci fabryka mieli svoj duchavy arkiestar, chor, čaściakom ładzilisia ahlady mastackaj samadziejnaści. Pravodzilisia i spartovyja spabornictvy — valejboł, nastolny tenis, šachmaty, šaški. Usio heta — pry značnym udziele prafsajuzaŭ.
U pastanoŭcy na čarhu dla palapšeńnia žyllovych umovaŭ taksama ŭdzielničaŭ prafsajuz. Ja, naprykład, staŭ na čarhu ŭ 1963 h. i ŭžo ŭ studzieni 1967-ha atrymaŭ novuju kvateru-dvuchpakajoŭku na siamju z 4-ch čałaviek.
Nu, i mnie, vinnym svajmu zavodu, było niepryhoža zastavacca. Amal kožny hod vybiraŭsia ŭ cechkam, treba ŭ kałhas padšefny — kali łaska, Aleś pajedzie i na bulbu, i na narychtoŭku karmoŭ, i na kałhasny tartak biarviony ličyć, doški abrazać, składać. Treba paśla raboty pajści ŭ DND — možna pajści. Choć z hetych švendańniaŭ pa vulicach karyści było nia duža mnoha.
Pamiatajučy, kolki rabili prafsajuzy dla ludziej, ja za Hančaryka.
Aleś Lićvinaŭ, Miensk
