BIBLIJATEKA
Novyja knihi, dasłanyja ŭ redakcyju
M.Bahdanovič. Poŭny zbor tvoraŭ u 3 t. T. 3. Publicystyka, listy, letapis žyćcia j tvorčaści / 2-je vyd. — Miensk: Biełaruskaja navuka, 2001. — 461 s. — Nakład 1500 as. ISBN 985-08-0448-3
U vychodnych źviestkach i na tytulnym arkušy vydaviectva paznačanaje jak “Biełorusskaja nauka” — niby pa-biełarusku napisać bojazna…
V.Bykaŭ. Bałota. Znak biady: Apovieści. — Miensk: HA “Biełaruskaje tav-va “Kniha”, 2001. — 496 s.: ił. — (Narodnaja biblijateka). — Nakład 4000 as. ISBN 985-6605-06-7
Vydańniem vybranych tvoraŭ Vasila Bykava adkryvajecca novaja knižnaja seryja “Narodnaja biblijateka”, hałoŭnym redaktaram jakoje — Nił Hilevič. Pradmovu da knihi V.Bykava napisaŭ Michaś Tyčyna. Kaštuje 1,3 t.r.
Histaryčny šlach biełaruskaj nacyi j dziaržavy=The History of the Belarusan Nation and State / Red. kalehija: M.Bič, R.Harecki, U.Konan, U.Arłoŭ dy inš.; Pier. u anh. movu T.Viniarskaja. — Miensk: Biełaruski knihazbor, 2001. — 348 s.: ił. — Nakład 700 as. ISBN 985-6638-27-5
Kniha vialikaha farmatu, vydadzienaja da III Źjezdu biełarusaŭ śvietu. Składajecca z raździełaŭ: “Nacyja”, “Dziaržava”, “Kultura”, “Biełaruś na miažy tysiačahodździaŭ”. Źmieščanyja dakumenty, što śviedčać pra stanaŭleńnie j raźvićcio biełaruskaje dziaržaŭnaści za tysiačahodździe. Historyja Biełarusi reprezentavanaja ŭ tablicach i schiemach. Źmieščany śpis vaładaroŭ Połackaha kniastva, Vialikaha Kniastva Litoŭskaha, uradnikaŭ BNR, BSSR i RB, kiraŭnikoŭ KPB. Pałovu knihi składaje ilustracyjny materyjał. Usie biełaruskija teksty dublujucca pa-anhielsku.
Zaharodździe-3: Materyjały navukova-krajaznaŭčaj kanferencyi “Paleśsie ŭ XX st.” (1-4 červienia, Biełastok) / Ukł. i ah. red. F.Klimuka, A.Enhielkinh, V.Łabačeŭskaja. — Miensk: Technalohija, 2001. — 320 s. — Nakład 320 as. ISBN 985-458-034-2
Siarod najcikaviejšych materyjałaŭ zbornika: F.Klimčuk “Moŭnaja sytuacyja ŭ bieraściejska-pinskim Paleśsi ŭ XIX—XX st.”, H.Cychun “Pra zachodniepaleskuju litaraturnuju mikramovu”, A.Kvačuk “Vajenna-palityčnaja sytuacyja na Paleśsi ŭ 1918—19 h.”, H.Cierabuń “Archiŭnyja krynicy j drukavanyja vydańni da historyi Paleśsia mižvajennaha peryjadu ŭ zborach Dziaržaŭnaha archivu Bieraściejskaje vobł.”, A.Trafimčyk “Rearhanizacyja školnaje sietki Zachodniaje Biełarusi ŭ 1939—41 h.: nacyjanalny aspekt”, I.Jalenskaja “Niamieckaja palityka ŭkrainizacyi biełaruskaha Paleśsia ŭ 1941—44 h.”
Kantakty j dyjalohi. № 4-5 (64), 2001. — Miensk: HA “Mižnarodnaja asacyjacyja biełarusistaŭ”, HA “Biełaruskaje tav-va družby j kulturnych suviaziaŭ z zamiežnymi krainami”, 2001. — 64 s. — Nakład 299 as.
Vypusk pryśviečany kolišniamu redaktaru paryskaje “Kultury” Ježy Hiedrojcu.
Teoryja j metodyka raźvićcia biełaruskaha maŭleńnia daškolnikaŭ. — Miensk: Technalohija, 2000. — 223 s. — Nakład 1000 as. ISBN 985-458-019-9
Daśledujecca prablema navučańnia biełaruskich dzietak rodnaje movy ŭ varunkach panavańnia rasiejskaje. Kaštuje 6,3 t.r.
Novy ARCHE
Pytajciesia ŭ kniharniach i šapikach “Biełsajuzdruku”
Jon najtaŭściejšy za ŭsiu historyju časopisu. U im 320 staronak. Jaho tema – nacyjanalizm. Pradmovu da jaho napisaŭ Siarhiej Dubaviec.
U rubrycy “Kniha” ŭ numary — “Manifest” słavutaha amerykanskaha terarysta-adzinočki Ŭnabombera.
U temie: praca palitolaha Ŭładzimiera Roŭdy “Vytoki nacyjanalizmu», artykuł Siarhieja Jekielčyka «Nacyjanalizm biełarusaŭ, słavakaŭ, ukraincaŭ», ese Sakrata Janoviča “2+2=4”, Vinceś Mudroŭ “Uspaminy pra «Błakitny lichtar».
Dla amataraŭ intelektualnaj čytanki: artykuł amerykanskaha słavista Edvarda Kinana, jaki pierakanaŭča dakazvaje, što “Słova pra pachod Iharaŭ” — heta falšyŭka. Daśledavańnie pieciarburskaha navukoŭca Andreja Katlarčuka, pryśviečanaje Branščynie biełaruskaj. Siarhiej Varyvodzki piša ab prablemie abortaŭ, Todar Kopša źviartajecca da tvorčaści Śviatłany Aleksijevič, Kastuś Travień analizuje prozu Ihara Sidaruka.
Dla amataraŭ litaratury: padborka śviežaje postmadernisckaje prozy. U joj: apaviadańnie našaniŭca Siarhieja Bałachonava «Śmierć lutnisty», dośled staršyni biełaruska-indziejskaha tavarystva Alesia Simakova «Rezervacyi śviadomaści», fantazijnyja ŭspaminy apošniaha žyvoha słuckaha paŭstanca Alesia Jaceviča (Zmahara) «Ściežki-darožki». Amatary klasyčnaha piśmienstva z asałodaju adkryjuć dla siabie novyja pierakłady z Hiese, Biola, Hierberta, a taksama vierš u prozie Jurasia Bušlakova “Łaźnia”. Jak zaŭždy ŭ “ARCHE” — novy, apošni vierš Andreja Chadanoviča.
Bahatyja i raznastajnyja archiŭnyja materyjały numaru. “Chronika hurtu “Mroja” Sieržuka Sacharava budzie cikavaja nia tolki fanatam biełaruskaha roku, jak i libreta opery Natalli Arsieńnievaj “Lasnoje voziera” — nia tolki amataram opery. Drukujucca taksama daśledavańnie Illi Kurkova pra pieršyja hady kalektyvizacyi Zachodniaj Biełarusi i listavańnie dziejača biełaruskaj emihracyi Ściapana Šneka.
