Paštovaja skrynka
Paŭłu K. ź Miensku. Aŭtarskaje samakapańnie nie zaŭsiody cikavaje čytačam. Kali ŭžo nijak bieź jaho nielha, pačytajcie, jak vykručvajucca ŭ takoj sytuacyi Irvin Uełš abo Maksim Harecki.
Jaŭhienu Ł. ź Miensku. Paznavata prynieśli materyjał. Vystava, pra jakuju pišacie, skančałasia ŭ dzień vychadu nastupnaha numaru hazety.
Jurju S. Prablema, jakuju Vy stavicie, padajecca ŭ vialikaj miery nadumanaj. Skaryna moh być i humanistam, i chryścijaninam adnačasova. Adno druhoha nie admaŭlaje.
Alonie A. z Babrujsku. Pryvitańnie hurtu “Kraj”. Padzialajem Vašyja spadziavańni na jahonuju vialikuju budučyniu.
Janu N. ź [email protected]. Hryšyna my pavažajem i tamu ź lubaściu nazvali ciopłym biełaruskim słovam “chalaŭščyk”.
Mikołu Ž. z Pružanaŭ. Vaš artykuł na 90% składajecca z patryjatyčnaje patetyki. Davodzić čytačam, što jany musiać šanavać svajo, treba nia zaklikami, a infarmacyjaj, jakaja b uzdymała prestyž biełaruščyny ŭ ichnych vačach. Što da himnu, dyk napišycie lepiej, što kažuć pra jaho pružancy.
Michasiu M. z Baranavič. Pra manaski orden kamunistaŭ pisaŭ jašče Karatkievič. Aproč taho, u Vašym artykule pra ich niama nijakaje žyvinki, nijakaha cikavaha ekskluzyŭnaha faktu, dušeŭnaj drabnicy. Čysta encyklapedyčnaja infarmacyja.
