19 červienia sudździa Leninskaha rajonu Miensku T.Žułkoŭskaja musiła pačać paŭtorna razhladać spravu Kastusia Łukašova, brata Viačasłava Siŭčyka, adnak praces nie adbyŭsia. Na sud nie źjaviŭsia paciarpieły ŭčastkovy Suščenia, jon da 5 lipienia znachodzicca ŭ kamandziroŭcy. Spravu Kastusia Łukašova pieranieśli na 9 lipienia.
20 lutaha sud pakaraŭ Kanstancina Łukašova źniavoleńniem na dva hady z adterminoŭkaj vykanańnia prysudu na dva hady. Kastusia pryznali vinavatym u parušeńni artykuła 364 Kryminalnaha kodeksu "Supraciŭ milicyi". Incydent adbyŭsia 29 sakavika letaś, kali Łukašoŭ, vyvoziačy z balnicy svajho brata V.Siŭčyka, nie pahadziŭsia spynić aŭtamabil pa patrabavańni čałavieka ŭ cyvilnym, jak potym vyśvietliłasia, supracoŭnika milicyi. U krasaviku Kalehija Minskaha haradzkoha sudu admianiła pryhavor Kanstancinu Łukašovu.