Bolšaść biełarusaŭ suprać abjadnańnia
41% biełarusaŭ i 67% rasiejcaŭ ličać, što prezydent pavinien być adzinym dla dźviuch dziaržavaŭ, 52% biełarusaŭ i 26% rasiejcaŭ miarkujuć, što ŭ kožnaj krainy maje być svoj prezydent. Taki vynik apytańnia hramadzkaj dumki, praviedzienaha ŭ lutym medyjahrupaj “Sajuz” i hrupaj kampanij “Monitoring.ru” na temu “Hramadzkaja dumka pra Sajuznuju dziaržavu Rasiei j Biełarusi” siarod 2026 hramadzianaŭ Rasiei i 605 hramadzianaŭ Biełarusi va ŭsich rehijonach abiedźviuch dziaržavaŭ. Pakolki apytańnie było praviedzienaje łabistami abjadnańnia, realnyja ličby, treba dumać, na siońnia jašče bolš niesuciašalnyja dla intehrataraŭ.
Nakont adzinaha parlamentu stanoŭča vykazvajecca 41% biełarusaŭ i 63% rasiejcaŭ, pra adzinaje vojska – adpaviedna 35 i 72 pracenty, stvareńnie adzinych specsłužbaŭ uchvalajuć 49% i 64%. Za niezaležnyja parlamenty vystupajuć 51% biełarusaŭ i 29% rasiejcaŭ, za niezaležnyja vojski – adpaviedna 57% i 22%, za niezaležnyja specsłužby – 40 i 28 pracentaŭ. I tolki za adzinuju ekanamičnuju prastoru (“iak u Eŭraźviazie”) vykazvajucca 83% biełarusaŭ i 84% rasiejcaŭ (suprać – 6% i 8%), za adzinuju valutu – adpaviedna 73% i 81% (suprać – 18% i 11%).
Pavodle BiełaPAN
