Ludzi tydnia
Udzień 14 traŭnia na 25-m kilametry šašy Zasłaŭje—Kałodziščy ŭ avaryju trapiŭ Uładzimier Mulavin. “Piaśniar”, jaki jechaŭ na svaim “Mersedesie-420”, nia daŭ rady kiravańniu — mašyna vylecieła na ŭzbočynu, niekalki razoŭ pierakuliłasia i dałasia ŭ dreva. Mulavin u krytyčnym stanie trapiŭ u 2-ju kliničnuju bolnicu Miensku.
Futbolny trener Valery Łabanoŭski lubiŭ svaju baćkaŭščynu i svaju pracu. Ł.Kučma prysvoiŭ jamu zvańnie Hieroja Ŭkrainy paśmiarotna.
Papa Jan Pavał II adkinuŭ mahčymaść dobraachvotnaj adstaŭki. U subotu papu spoŭnicca 82 hady, jon ciažka chvareje. Apošnim pantyfikam, jaki sam pajšoŭ u adstaŭku (u 1294 h.), byŭ Celestyn V.
17 traŭnia spaŭniajecca 50 hadoŭ z dnia naradžeńnia biznesmena Anatola Krasoŭskaha, jaki prapaŭ razam ź Viktaram Hančarom. Z hetaj nahody z 13-j da 14-j AHP ładzić la ŭniversamu “Centralny” ŭ Miensku akcyju “Łancuh nieabyjakavych ludziej”.
MZS Biełarusi nastojvaje na praciahu pošuku hramadzianina Biełarusi Alaksandra Novikava, jaki zahinuŭ na kasmadromie Bajkanur 12 traŭnia ŭ vyniku abvału dachu. Astatnich achviaraŭ užo znajšli i chacieli spynić pošuki.
