21 Lutaha
Hierbavy zbor
Letaś bieraściejskija ŭłady prapanavali pryvatnym taksoŭščykam upryhožyć svaje aŭto nalepkami z hierbam horadu. Ciapier harvykankam pastanaviŭ, što za vykarystańnie haradzkoj symboliki treba płacić. Da 15 lutaha taksoŭščyki musili pieravieści ŭ biudžet Bieraścia pa 120 tys. rubloŭ. Aburanyja taksoŭščyki pastanavili hrošy sabrać, adnak addać ich nia ŭładam, a prytułku dla biednych i chvorych ludziej. A potym pazdymać «klajnody» z mašynaŭ.
Ilhoty — pajmienna
Padrychtavany prajekt prezydenckaha ŭkazu, jaki praduhledžvaje adrasnuju formu sacyjalnaj padtrymki. Pamier dziarždapamohi budzie vyznačacca nie prynaležnaściu da hrupy nasielnictva, a sumaj prybytkaŭ čałavieka. Uličvać buduć zarobak, sacyjalnyja vypłaty dy ŭłasnaść, jakaja moža prynosić haspadaru hrošy. Kali ahulny prybytak budzie mienšy ci roŭny 60% biudžetu pražytkovaha minimumu, možna spadziavacca na dapamohu.
Konkurs taksoŭščykaŭ
Homielskija ŭłady zładzili konkurs dla kiroŭcaŭ pryvatnych mikraaŭtobusaŭ, jakija žadajuć pracavać na novym maršrucie №32, što złučyć čyhunačny vakzał z Navabielickim rajonam. Ciapier u Homieli 550 «maršrutak». Na dumku harvykankamu, hetaha dastatkova. Tamu licenzii na pasažyrskija pieravozki pastanavili dać tolki 10 z 60 pretendentaŭ. Padčas adboru hladzieli, nakolki spraŭny dy kamfortny mikraaŭtobus. Mašyny, jakija adpracavali na darozie bolš za 5—6 hadoŭ, konkursu nie prajšli.
Stanki biaz mytu
Saviet ministraŭ terminam na 9 miesiacaŭ ustanaviŭ nulavuju staŭku ŭvaznoj mytnaj pošliny na technalahičnaje abstalavańnie. Meta — dapamahčy vytvorcam madernizavać pradpryjemstvy. Hetyja lhoty asabliva prydaducca bujnym zavodam kštałtu «Intehrału», jakomu treba 50 młn. dalaraŭ, kab pastavić novaje abstalavańnie. «Intehrał» razam ź Mienskim vytvorčym abjadnańniem vyličalnaj techniki dy Mienskim zavodam šaścierniaŭ — najbujniejšyja z 35 pradpryjemstvaŭ, jakija sioleta buduć akcyjavanyja.
Novy transpart
Ułady Miensku nabuduć sioleta 30 novych aŭtobusaŭ, 50 tralejbusaŭ dy 4 tramvai ahulnym koštam 22 młrd. rubloŭ. Letaś na novy transpart horad vydatkavaŭ bolš za 16 młrd. rubloŭ.
«MTS» choča nabyć «MTS»
Rasiejskaja kampanija «Mabilnyja TeleSystemy» žadaje nabyć kantrolny pakiet akcyjaŭ biełaruska-rasiejskaha aperatara sotavaj suviazi «MTS». Pakul rasiejcy majuć 49% akcyjaŭ, a biełaruski bok (RUP «Mižharodniaja suviaź») — 51%. Sioleta rasiejcy abiacajuć ukłaści ŭ spravu 60 młn. dalaraŭ z 200 młn., jakija musiać investavać ciaham 10 hadoŭ.
Źniali Padhornaha
10 lutaha pazbavili pasady Hienadzia Padhornaha, dyrektara Fondu dziaržmajomaści Ministerstva ekanomiki. Matyvacyja — «za adnarazovaje hrubaje parušeńnie pracoŭnych abaviazkaŭ». Miarkujuć, što jaho źniali za niaŭdały prodaž biełaruskaha pakietu akcyjaŭ «Słaŭnafty».
«Lider» №3
Biznes-časopis «Lider» prezentavaŭ svoj 3-i numar. Artykuł «Čyścilščyki ofisaŭ» raspaviadaje pra toje, jak abaranicca ad amataraŭ čužoje majomaści. «Špital» dla aŭtamabila» — infarmacyja dla tych, chto žadaje zasnavać ułasnuju stancyju techabsłuhoŭvańnia. Materyjał «Hrošy z vady» raspaviadaje pra vytvorcaŭ biezalkaholnych napojaŭ, a «Biada ad rozumu» — pra toje, dzie i kolki moža zarabić kvalifikavany specyjalist. U rubrycy «Lider epochi» — historyja pośpiechu Antona Stulhinskaha, top-menedžera, jaki «ŭźniaŭ» Dobruskuju papiarovuju fabryku. Jak zaŭsiody, «Lider» prezentuje klasyčnym pravapisam staronku haspadarskich navinaŭ ad «NN».
AK
