Čamu hetyja vybary prajhrała ŭłada
Źniaćcie apazycyjnych kandydataŭ u pracesie vybaraŭ vyhladała biescyrymonna. Takoje ŭražańnie, što jano adbyłosia pa vynikach prahladu biuleteniaŭ, ukinutych u skryni dla daterminovaha hałasavańnia.
Pierachod da demakratyi patrebny ŭsim. Nie apazycyjaneram, intelihientam, biznesoŭcam, a ŭsiamu hramadztvu. Bieź jaje nia budzie doŭhaterminovaj stabilnaści. Možna spračacca, ci byŭ peryjad aŭtakratyi niepaźbiežny ŭ časie stanaŭleńnia dziaržaŭnaści. Ale biezumoŭna nia budzie stabilizacyi biez demakratyi.
Ułada zmarnavała šaniec narmalizavać sytuacyju ŭ krainie. Pierachod deputackaj hrupy «Respublika» ŭ adkrytuju apazycyju — pieršy ŭdar u adkaz. Za im buduć inšyja. Alaksandar Łukašenka zdolny pa prykładzie minułych hadoŭ pajści na abvastreńnie sytuacyi. Ale hady ŭžo nia tyja. Adnojčy abvastreńnie pavierniecca suprać abvastralnika.
Ułada prajhrała hetyja vybary, na jakich nichto ničym nie ryzykavaŭ. Druhoha takoha šancu ŭ jaje moža i nia być.
Andrej Dyńko
