Staršynia Kamitetu dziaržaŭnaha kantrolu Anatol Tozik u liście, adrasavanym Alaksandru Łukašenku, padaje infarmacyju ab sankcyjach u pamiery 7 młrd 300 młn rub., jakija ŭžo byli nibyta prymienienyja da «RRB-banku». Nasamreč pakul što ni pra jakija sankcyi ŭ banku nichto nia čuŭ, praca idzie ŭ zvyčajnym režymie. Mo Tozik dezynfarmavaŭ prezydenta? Ci niechta zakinuŭ «dezu» samomu Toziku?
Suma, jakaja fihuruje ŭ liście staršyni Kamitetu dziaržkantrolu, śviedčyć tolki ab adnym: bank niekamu «nie padabajecca» i niechta choča jaho śmierci. Bo suma hetaja ŭ pieraliku na dalary składaje amal try z pałovaj miljony. Hetyja hrošy — pa sutnaści, «RRB-bank» całkam z usioj svajoj «haspadarkaj»: statutnym fondam, aktyvami, nieruchomaściu j persanałam. Inšaja sprava, što Tozik infarmavaŭ prezydenta na padstavie ličbaŭ, atrymanych z padatkovaj inspekcyi. Jana naličyła banku «ekanamičnyja sankcyi najvyšejšaj nacenačnaj katehoryi» za «niezabieśpiačeńnie nieabchodnaha kantrolu za vykanańniem ustalavanaha paradku zvarotu veksalaŭ».
Miž inšym, ZAT «Bank rekanversii j raźvićcia RRB-bank» — nievialiki navat u biełaruskich mierkach. Jon byŭ utvorany 10 hadoŭ tamu j pastupova zaniaŭ svajo pačesnaje miesca ŭ siaredzinie bankaŭskaj «turnirnaj tablicy». Dzieści dva hady tamu bank bolš aktyŭna pačaŭ pracavać z veksalami, pryčym admysłoŭcy kažuć, što jahonyja schiemy pracy ničym nia roźnilisia ad tych, ź jakimi pracujuć u inšych bankach. U «RRB-banku» abviarhajuć infarmacyju pra niedavypłačanyja bankam padatki, a taksama zakid Tozika pra «padłožnyja» dakumenty, na asnovie jakich, byccam by, ažyćciaŭlalisia ŭ banku ŭsie aperacyi z veksalami. Bolš za toje, dva miesiacy tamu na patrabavańnie Asacyjacyi biełaruskich bankaŭ ź Dziaržaŭnaj padatkovaj inspekcyi pryjšli tłumačeńni nakont ažyćciaŭleńnia aperacyjaŭ z veksalami.
Poŭny varyjant artykułu čytajcie ŭ hazece "NN".
