Alternatyŭny prajekt biudžetu na 2004 hod prapanavali eksperty daśledčych centraŭ “Mizesa” (Jarasłaŭ Ramančuk) i “Stratehija” (Leanid Zaika) razam z deputatami hrupy “Respublika” (Uładzimier Parfianovič). Prajekt zakonu nakiravany ŭ Saviet Ministraŭ i prezydentu krainy.
Prapanavany prajekt biudžetu praduhledžvaje šerah reformaŭ, pierš za ŭsio ŭ padatkovaj sfery. Prapanujecca admianić padatak na dabaŭlenuju vartaść i zamiest jaho ŭvieści padatak z roźničnaha abarotu padatkaŭ i pasłuh. Na dumku raspracoŭščykaŭ prajektu, uvachodžańnie susiednich krain u Eŭraźviaz i dałučeńnie da eŭrapiejskaj systemy padatkaŭ moža dać Biełarusi šaniec stvaryć nadzvyčaj pryvabny investycyjny klimat. Prapanujecca źnižeńnie padatkaŭ z pradpryjemstvaŭ z metaj praviadzieńnia restrukturyzacyi i madernizacyi. Za prykład uziaty padatkovyja systemy inšych krain, jakija prajšli sacyjalna-ekanamičnuju transfarmacyju (Japonija, Kareja). Ich vopyt pakazvaje, što padatkovaja nahruzka nie pavinna pieravyšać 11—25% dla stvareńnia ŭmoŭ dla ekanamičnaha cudu. Skasavańnie mnostva padatkovych ilhot, na dumku raspracoŭščykaŭ, zrobić biudžet bolš prazrystym, źmienšyć karupcyju. Padatkovaja baza pavinna być unifikavanaja dla ŭsich katehoryj padatkapłacielščykaŭ. Biudžet skiravany na źnižeńnie inflacyi da 10% u hod. Prapanujecca pačać restrukturyzacyju pramysłovych i sielskahaspadarčych pradpryjemstvaŭ.
Poŭny varyjant artykułu hladzicie ŭ hazecie "Naša Niva".
