Kali 4 krasavika prychilniki Refarmacyi źbiralisia na pieršuju «jubilejnuju» kanferencyju, nichto navat nie ŭjaŭlaŭ, kolki roznych mierapryjemstvaŭ jašče budzie.
Vierniki roznych pratestanckich płyniaŭ pa-svojmu adznačali 450-hodździe Refarmacyi ŭ Biełarusi: chto tolki supolnymi malitvami, chto masavymi mierapryjemstvami na płoščy Banhałor, chto kancertami, chto tealahičnymi dysputami. Śviatkavańnie było padobnym da samoha refarmackaha ruchu: jaho nichto nie arhanizoŭvaŭ specyjalna i centralizavana nie kantralavaŭ. Hramadztva, navukoŭcy, zbory roznych kanfesij, navat muzykanty — usie prydumlali i planavali śviatkavańnie pavodle ŭłasnaj inicyjatyvy, nie zaŭsiody viedajučy, što, kim i dzie robicca jašče. Taki padychod pazbaviŭ asobnyja mierapryjemstvy zališniaj uračystaści i pampeznaści. Usio adbyvałasia ścipła i kamerna, ale heta bolš adpaviadaje samomu duchu Refarmacyi. Adnym z apošnich śviatočnych mierapryjemstvaŭ z hetaj nahody budzie muzyčny fest z čatyroch kancertaŭ, što adbuducca z 4 da 11 śniežnia ŭ zali kaściołu Śv.Rocha.
Poŭny varyjant artykułu hladzicie ŭ hazecie "Naša Niva".
Uładzimier Mackievič
