Los Hienadzia Hrušavoha pierałomisty: z sportu — u filazofiju, ź filazofii — u hramadzkuju dziejnaść i palityku, adtul — ledźvie nie na nary.
Hrušavy byŭ katalizataram vybuchu hramadzianskaj aktyŭnaści ŭ krainie. Jahony fond «Dzieciam Čarnobylu» davaŭ pracu dvanaccaci tysiačam čałaviek. Paśla dziaržzačystki Hrušavy nie zachacieŭ zastacca na emihracyi ŭ Niamieččynie, dzie žyvuć jahonyja darosłyja dzieci. Ź Niamieččynaj mistyčna źviazany los siamji: tam u vajnu spatkałsia maci j baćka sp.Hienadzia. Pra hetuju historyju jon daviedaŭsia ŭžo darosłym.
Hienadź Hrušavy: Maci z baćkam šmat hod chavali hety fakt, bo baćka byŭ dziaržaŭny čałaviek. Na froncie pačaŭ radavym, skončyŭ kamandziram pałka. Maci pachodzić ź Vialikaha Noŭharadu, z rodu Rabavych. Jaje ŭ 17 hod źvieźli hastarbajtarkaju ŭ Niamieččynu. Baćka vyzvaliŭ maci ŭ 1945 h., jak brali Karalaviec.
«NN»: A jak vyjšła, što junak z vajskovaj siamji zabraŭsia ŭ hornija vyšyni filazofii?
H.H.: Filazofiju znajšoŭ pad łožkam. Surjozna zajmaŭsia lohkaj atletykaj, uvachodziŭ u zbornuju krainy. Pajechaŭ na spartakijadu ŭ Homiel, raźmiaścili nas u studenckim internacie. Pad łožkam ja vypadkova zaŭvažyŭ stos papierak. Akazałasia, šparhałka pa filazofii. Razharnuŭ, dyj nia moh adarvacca try dni. Paśla znajšoŭ nieabchodnuju litaraturu, pačaŭ vyvučać filazofiju, addajučy pieravahu niamieckaj klasyčnaj. U 1972 h. ja skončyŭ universytet i ŭ tym ža hodzie zdaŭ dysertacyju
Poŭny varyjant artykułu hladzicie ŭ hazecie "Naša Niva".
Hutaryła Śviatłana Kurs
