Metu bloku jaho lider Pavał Sieviaryniec akreśliŭ tak: «naniasieńnie psychalahičnaj parazy režymu jašče pierad prezydenckimi vybarami».
Prahramy blok pakul nia maje.
Asnovu novaha bloku skłali siabry «Maładoha frontu». «Maładaja Biełaruś» źjaŭlajecca abjadnańniem asobaŭ, jakich pakul naličvajecca dvaccać siem. Adnak persanalii P.Sieviaryniec nazyvać admoviŭsia, paličyŭšy heta pieradčasnym. U prezentacyi bloku, jakaja adbyłasia ŭ paniadziełak, brali ŭdzieł Mikoła Arciuchoŭ (BSDH), Siarhiej Bachun (BNF, Bieraście), deputat z Mastoŭ Aleś Zarambiuk, Pavał Sieviaryniec dy Viktar Šlachcin (BNF, Viciebsk). Jany spadziajucca da vybaraŭ sabrać u «Maładuju Biełaruś» jašče niekalki dziasiatkaŭ čałaviek. Zrabić heta budzie niaprosta, bo mnohija viadomyja asoby zaanhažavanyja ŭ inšyja kaalicyi j naŭrad ci ryzyknuć dałučycca da novaj, u jakoj pakul jašče niapeŭnaja budučynia.
Utvareńnie moładzievaha bloku, na dumku P.Sieviarynca, pryviadzie da ŭzrastańnia kankurencyi pamiž roznymi kaalicyjami, da pavyšeńnia «zdolnaści i jakaści zmahańnia». A hałoŭnaje — «Maładaja Biełaruś» choča dać ludziam «maładuju alternatyvu», nie zaplamlenuju ŭ «mižasabovych razborkach» i nie adkaznuju za parazy apazycyi.
Poŭny varyjant artykułu hladzicie ŭ hazecie "Naša Niva".
Siarhiej Jorš
