Łodočki.Bieź Bileta, 2003
Mienski hurt «Bieź Bileta» vydaŭ videa-maksy-synhł «Łodočki» — pieršy takoha kštałtu pradukt u historyi biełaruskaha šoŭ-bizu. U dysk uvajšli dva samyja novyja klipy kamandy — «Narisovana» i «Łodočki», plus dva videašerahi da pieśni «Stop Business» — animacyjny i «remiksavy». Da ŭsiaho, možna pabačyć try žyvyja vystupy «BB» roznych časoŭ. Apošniaje — dla šalonych prychilnikaŭ, bo huk i karcinka žudasnyja (akrom kinachroniki z «Rok-karanacyi»).
Razynka dysku — dzivacki klip na pieśniu «Łodočki», źniaty małymi siłami, biez specefektaŭ, dekaracyjaŭ, masoŭki i h.d. Tolki Jon, Jana dy horad z fantanami, kramami, płoščami j parkami... Hustoŭna. A voś videapraca na pieśniu «Narisovana» peŭna trapić u archiŭ. Try chviliny aperatar mitusicca z kameraj na zadnim siadzieńni taksoŭki, zdymajučy viačerni praspekt Skaryny...
Lider hrupy Vitalik «Artyst» asabista zapisaŭ uvieś nakład synhłu dy pranumaravaŭ kožny dysk. Usiaho atrymałasia 77. Niekalki dyskaŭ buduć ź siurpryzami: tak, u №13 układzieny zaprašalnik na najbližejšy kancert «Bieź Bileta». Zamović synhł možna praz sajt hrupy www.bezbileta.com.
Rychtujecca j vydańnie paŭnavartasnaha albomu kamandy — «Narisovana». Z časoŭ płytki «Na nieba» stylistyka dy skład hurtu źmianialisia. Biełaruskamoŭnyja pieśni zusim źnikli z repertuaru «Bieź Bileta», a Vitalik prosić žurnalistaŭ pisać nazvu hrupy biaź miakkaha znaku…
Siarhiej Budkin
