Sudovy razhlad spravy pavodle pozvy pratestanckaha pastara Jarasłava Łukasika, departavanaha ź Biełarusi 6 červienia adbyŭsia ŭ sudzie Centralnaha rajonu. Pastar Łukasik prasiŭ pryznać niezakonnym rašeńnie staršyni Centralnaha RUUS stalicy ad 30 traŭnia, zhodna ź jakim jon byŭ aštrafavany za praviadzieńnie niesankcyjanavanaha nabaženstva, a taksama atrymaŭ zahad ab departacyi ź Biełarusi da 7 červienia i zabaronu na ŭjezd u krainu na praciahu 5 hadoŭ. Sudździa Taciana Paŭlučuk admoviła u zadavalnieńni pozvy.
Siońnia ž u Mienskim haradzkim sudzie razhladałasia skarha pastara pratestanckaj carkvy «Jan Pradvieśnik» Antonija Bokuna na rašeńnie sudu Centralnaha rajonu ad 4 červienia. Nahadajem, što tady za niesankcyjanavanaje bohasłužeńnie sudździa Taciana Paŭlučuk asudziła śviatara na 3 sutak administracyjnaha aryštu. Sudździa Mienskaha haradzkoha sudu Alaksiej Rybakoŭ paličyŭ prysud ad 4 červienia zakonnym i admoviŭ sp. Bokunu ŭ skarzie.
«Budu padavać skarhu vyšej» — prakamentavaŭ rašeńnie sudździ Rybakova Antoni Bokun.
Žonka departavanaha śviatara Natalla Łukasik taksama źbirajecca padavać skarhu ŭ vyšejšuju instancyju.
