Na tracinu skaračajecca sioleta dachodnaja častka haradzkoha biudžetu Baranavič na karyść vobłaści.
Pratesty hramadzkaści horadu nie dali vyniku — harsaviet adnahałosna pryniaŭ spuščany źvierchu prajekt biudžetu.
Letaś 75% sabranych padatkaŭ zastavałasia ŭ haradzkim biudžecie Baranavič. Pakolki biudžety rajonnych centraŭ farmujucca ŭ vobłaści, Bieraściejski abłvykankam vyrašyŭ, što sioleta horadu chopić i pałovy ad asnoŭnych padatkaŭ. Baranavičy hublajuć kala 6 młrd rubloŭ.
Baranavicki vypadak — dobry prykład nieracyjanalnaj biudžetnaj palityki ŭładaŭ. U hetaj palitycy samakiravańniu adviedziena apošniaje miesca. Mahčyma, žychary Baranavič i nia viedali, što pieršy krok u pracesie planavańnia biudžetu ŭ ich horadzie — atrymańnie finadździełam harvykankamu ad finansavaha ŭpraŭleńnia vobłaści kantrolnych ličbaŭ pa kožnym artykule biudžetu. Haradzki finadździeł «spuskaje» hetyja ličby biudžetnym pradpryjemstvam. A tyja, zychodziačy ź ich, składajuć kaštarysy svaich vydatkaŭ.
Poŭny varyjant artykułu hladzicie ŭ hazecie "Naša Niva".
Daminik Michajłovič
