Nakład niezarehistravanaha časopisu «Asambleja», zasnavalnikam jakoha źjaŭlajecca niezarehistravanaja ž Asambleja niaŭradavych arhanizacyjaŭ, zatrymany na punkcie rassyłki ŭ budynku «Mienskaj pošty» pa vuł.Vakzalnaj, 22.
Sa słovaŭ supracoŭnikaŭ pradpryjemstva, da zatrymki nakładu maje dačynieńnie Hieneralnaja prakuratura. Jana ciapier i zajmajecca hetaj spravaj.
10 studzienia vydaŭcy «Asamblei» padrychtavali da rassyłki čarhovy tematyčny numar svajho časopisu — «NDA i vybary». Čytačam byli prapanavanyja analityčnyja materyjały, pryśviečanyja mahčymamu ŭdziełu hramadzkich abjadnańniaŭ u budučaj vybarčaj kampanii ŭ pałatu pradstaŭnikoŭ. Taksama ŭ numary źmieščany tak zvany «šery śpis» — proźviščy sudździaŭ, prakurorskich rabotnikaŭ i specyjalistaŭ orhanaŭ justycyi, jakija spryčynilisia da masavaha zakryćcia niaŭradavych arhanizacyjaŭ.
A 14 studzienia nakład časopisu byŭ zatrymany na dziaržaŭnym unitarnym pradpryjemstvie «Vytvorčaść «Mienskaja pošta». Vydaŭcy časopisu daviedalisia ab hetym tolki praz tydzień. Isnuje niekalki versijaŭ taho, čamu heta mahło zdarycca.
Poŭny varyjant artykułu hladzicie ŭ hazecie "Naša Niva".
Źmicier Danski
