Dysk, kancerty, folk-spektakl — najbližejšyja plany «Troicy».
«Praź dźvie z pałovaj hadziny novy albom «Trojcy» budzie hatovy», — skazaŭ pa telefonie ŭ piatnicu ŭviečary novy pradusar hurtu Valer Mazur. Dysk atrymaŭ nazoŭ «Siem», jaho reliz pryznačany na travień, tady ž adbudziecca i mienskaja prezentacyja. Sioje-toje z novaje pracy zmohuć u chutkim časie pačuć bieraściejcy — 17 krasavika hurt maje dać kancert u miascovym Teatry dramy j muzyki (pačatak a 19-j). Inicyjatyŭny dy ambitny pradusar choča ŭvaskrasić i folk-spektakl Ivana Kirčuka «Varažbit», jaki byŭ pakazany tolki adnojčy z hod tamu. Planujecca, što projdzie jon u Teatry junaha hledača, repetycyi pačnucca praź niekalki tydniaŭ. Što da šoŭ-prajektu «Runy», dyk tut pytańnie z vydańniem dysku zavisła. Ciapier materyjał znachodzicca ŭ Maskvie, i niemaviedama, kali jaho daviaduć da rozumu. Padobna, što impet rasiejcaŭ adnosna biełaruskaj muzyki krychu zhas.
Siarhiej Budkin
