30 traŭnia ŭ carkvie Žyrovickaj Maci Božaj u Hajłend-Parku (štat Ńju-Džerzi, ZŠA) adsłužyŭ pieršuju bahasłužbu japiskap Biełaruskaj aŭtakiefalnaj pravasłaŭnaj carkvy Vasil, jaki staŭ najmaładziejšym jararcham BAPC, što dzieje ŭ Amerycy.
Stali viadomyja niekatoryja padrabiaznaści.
Uładyka Vasil (u śvieckim žyćci Viktar Kaściuk) naradziŭsia 11 vieraśnia 1971 h. u Pinsku. Skončyŭ u 1995 h. Mienskuju duchoŭnuju seminaryju sa stupieńniu bakałaŭra bahasłoŭja, z 1995 da 1999 h. vučyŭsia ŭ Maskoŭskaj duchoŭnaj akademii, jakuju skončyŭ sa stupieńniu kandydata bahasłoŭja, napisaŭšy — i vydaŭšy asobnaju knihaju — pracu «Historyja Pinskaje japarchii (1921—1944)». U tym samym hodzie pryniaŭ manaski postryh pad imiem Vasil i byŭ vyśviačany na ijeradyjakana. Pracavaŭ vykładčykam liturhiki ŭ Mienskaj duchoŭnaj seminaryi, što ŭ Žyrovičach.
Sajt Biełaruskaj aŭtakiefalnaj pravasłaŭnaj carkvy zaznačaje, što Vasil «paśla hodu vykładčyckaje pracy, nia zmohšy dziela antybiełaruskaha nastaŭleńnia jararchii Maskoŭskaha patryjarchatu abaranić padrychtavanuju im na atrymańnie daktaratu dysertacyju «Historyja pravasłaŭja na biełaruskim Paleśsi (Ch—XX st.)», pakinuŭ Žyrovičy j viarnuŭsia ŭ rodny Pinsk». Praź niejki čas jon naładziŭ suviazi ź mitrapalitam Iziasłavam (Bruckim) i Kansystoryjaj BAPC, na zaprašeńnie jakich i pryjechaŭ u ZŠA.
Poŭny varyjant artykułu hladzicie ŭ hazecie "Naša Niva".
Edvard Ludovič
