Apanenty Kanstytucyi cpadziajucca adyhracca padčas ratyfikacyi dakumentu.
U toj čas jak na futbolnym pieršynstvie Eŭropy tolki paśpieli vyznačycca čverćfinalisty, favaryt na kanstytucyjnym poli Eŭraźviazu ŭžo viadomy. Francyi ŭdałosia vyrašyć šmat jakija sprečnyja momanty ŭ prajekcie eŭrapiejskaj Kanstytucyi na svaju karyść i hetym samym zamacavać svoj upłyŭ u strukturach Eŭraźviazu.
Pry ŭsioj pavazie da demakratyčnych ideałaŭ Eŭropy i nasupierak patasnaści pramovaŭ eŭrapalitykaŭ pra «histaryčnaść momantu», nazvać Kanstytucyju Eŭraźviazu šedeŭram jurydyčnaje dumki nijak nie vypadaje. Abjom zaćvierdžanaha na minułym tydni dakumentu, adnoj ź pieršapačatkovych metaŭ jakoha było spraščeńnie isnych praviłaŭ, paśla dvuchbakovych debataŭ staŭ 300 staronak. Zališnie i kazać, što prostyja hramadzianie Eŭropy naŭrad ci advažacca ŭziacca za vyvučeńnie novaha padstavovaha zakonu Eŭropy: nasupierak metam aŭtaraŭ prajektu, Eŭropa stajecca jašče bolš składanaj i jašče bolš dalokaj ad eŭrapiejcaŭ. Z taje pryčyny vobraz aficyjnaha Bruselu jak biurakratyčnaha monstra nabudzie novaje padmacavańnie i eŭraskieptyki atrymajuć novyja kozyry ŭ ichnaj palityčnaj baraćbie. Akramia taho, niekatoryja pałažeńni dakumentu ŭžo ciapier padajucca hołymi deklaracyjami. Prykładam, kanstytucyja abviaščaje roŭnaść usich hramadzian Źviazu, u toj čas jak tolki try krainy (Vialikabrytanija, Švecyja i Irlandyja) adkryli svaje rynki pracy dla ŭschodnieeŭrapiejcaŭ.
Zvažajučy na niedakładnaść dakumentu, varta pieradusim zasiarodzicca na sprečnych momantach i na tym, pazycyja jakoj krainy ŭrešcie pieramahła. I tut najlepiej prydasca mova futbolnych kamentataraŭ, bałazie što ŭsia Eŭropa ciapier žyvie futbołam. Pieraličym usie «hały», zabityja na kanstytucyjnym poli.
— Pavodle kanstytucyi, Eŭraźviaz nabyvaje dźvie novyja pasady: prezydenta i ministra zamiežnych spraŭ. Možna pradbačyć, što hetyja čynoŭniki buduć prezentavać pazycyju, blizkuju da aficyjnaha Paryžu, uličvajučy vialiki dośvied i vahu francuskaje dyplamatyi. Francyja paviała ŭ liku 1:0.
— Pa-novamu vyznačanaja pracedurnaja bolšaść dla pryniaćcia rašeńniaŭ u Eŭrakamisii i Radzie ministraŭ. Ciapier tut dziejničaje pryncyp «dvajnoje bolšaści»: kožnaje rašeńnie patrabuje padtrymki 55% krainaŭ Źviazu i 65% nasielnictva Źviazu. Ahułam pryncyp «dvajnoj bolšaści» pavialičvaje vahu vialikich krainaŭ — Niamieččyny i Francyi. 2:0 na karyść Francyi. Praŭda, u sferach zamiežnaj palityki, sacyjalnaj biaśpieki i abarony zastajecca staroje prava veto dla kožnaj asobnaj krainy, na čym nastojvali Vialikabrytanija i Polšča, — 2:1.
Poŭny varyjant artykułu hladzicie ŭ hazecie "Naša Niva".
Siaržuk Vinahradaŭ
