Amal supali ŭ časie čempijanat śvietu pavodle versii FIDE (18 červienia — 13 lipienia, Trypali) i Mižnarodny dzień šachmataŭ (20 lipienia).
U paradku rečaŭ — pavinšavać prychilnikaŭ hulni sa śviatam virtualnaha jadnańnia, apieć styl novaha «šachmatnaha karala», 24-hadovaha Rustama Kasymdžanava z Uzbekistanu, jaki paśla ŭpartaj baraćby pa nakaŭt-systemie pieramoh u finale brytanca Majkła Adamsa… Adnak štości zaminaje piajać chvałaśpievy hrasmajstram i arhanizataram spabornictva.
FIDE, Mižnarodnaja federacyja šachmataŭ, uźnikła 80 hod tamu jak prafsajuz prafesijnych hulcoŭ. Ułasna, dzień šachmataŭ i adznačajecca tradycyjna ŭ dzień zasnavańnia FIDE. Pastupova jana prychapiła sabie funkcyi adboru šachmatystaŭ na pieršynstvo śvietu, nadańnia zvańniaŭ i rejtynhaŭ. U pačatku XXI st. mižnarodnaja federacyja — hruvastkaja biurakratyčnaja mašyna z usimi jaje atrybutami. «Jany tam prykryvajucca čempijonam śvietu, ale nie pavažajuć navat jaho» — kanstatavaŭ u svoj čas mudry David Branštejn. Letaś prezydent FIDE i Kałmykii Kirsan Ilumžynaŭ za admovu padpisvać kabalnyja kantrakty paprostu «zvolniŭ» ukrainca Rusłana Panamarova — čempijona-2002. Zvańnie było znoŭku pastaŭlena na kon, pryčym vybar Libii byŭ dla viadučych hulcoŭ niespadziavankaj.
Poŭny varyjant artykułu čytajcie ŭ papiarovaj i pdf-versii "Našaj Nivy"
Volf Rubinčyk, [email protected]
