Hrupa «Lapis Trubiackoj» vystupiła na bujnym feście alternatyŭnaj muzyki «Chleŭ kultury» pad Vilniaj. U pieršy dzień chiedłajnerami była rastamanskaja hrupa z Charkava «5'nizza», u druhi — biełarusy. Michałok admoviŭsia ad vykanańnia «Aŭ» i «Sočy» i zasiarodziŭsia na apošnich pieśniach kalektyvu, u tym liku biełaruskamoŭnych. Novy «Lapis» litoŭcam spadabaŭsia. Pradusar kalektyvu Jaŭhien Kałmykoŭ kaža, što ciapier viaducca pieramovy nakont vydańnia dysku «Załatyja jajcy» ŭ Litvie.
Tym časam «Lapis» uziaŭ udzieł adrazu ŭ dvuch rasiejskich prajektach. Pieśnia «Krasivaja» ŭvajšła ŭ rehi-składanku pad nazvaj «Antyfabryka», «Lapisaŭ» taksama zaprasili zapisać pieśniu dla trybjutu amerykanskaj pank-lehiendy «Ramones». Michałok z radaściu pahadziŭsia, tym bolš što tvorčaść hetaj kamandy natchniła jaho na napisańnie samaj paśpiachovaj biełaruskamoŭnaj pieśni «Lapisaŭ» pad nazvaj «Ramonki».
Darečy, na hetym tydni na aficyjnym sajcie kamandy (www. lyapis.com) źjavicca MP3-zapis kancertu hrupy ŭ studyi maskoŭskaj FM-stancyi «Naša radyjo».
SB
