Jak čałaviek, spraktykavany ŭ vydavieckich spravach, kandydatka ŭ deputaty pa Połackaj haradzkoj vybarčaj akruzie №28 paetka Alena Som adna ź pieršych u Połacku nadrukavała svaje pieradvybarnyja ŭlotki.
Siarod inšych prablem i pytańniaŭ jana zakranuła ŭ svaim ahitacyjnym materyjale temu referendumu: «Chopić hvałcić Kanstytucyju! Chopić padhaniać zakony pad adnaho čałavieka! Zakon i paradak! «Nie» treciamu terminu!» U svajoj prahramie Alena Som vystupaje suprać «kantraktnaha rabstva», paboraŭ z pradpryjemstvaŭ i tajemnych prezydenckich fondaŭ, padtrymlivaje raźvićcio małoha biznesu, vystupaje za realnyja padatki i prazrystaść biudžetu. Ulotka taksama źmiaščaje partret kandydatki, jaje bijahrafiju, karykatury na realii biełaruskaha žyćcia. Nakład — 5 tysiač. Alena Som kaža, što heta tolki pieršaja, aznajamlalnaja ŭlotka — jašče planujecca vydać try, abiacaje, što nastupnyja buduć jašče bolš źmiastoŭnyja i cikavyja.
Poŭnaściu hety artykuł možna pračytać u papiarovaj i pdf-versii "Našaj Nivy"
Vasil Krokva, Połacak
