Napiaredadni prezydenckich vybaraŭ naša hazeta zacikaviłasia, jakija punkty pieradvybarnaj prahramy musić mieć kandydat, kab u jaho byli šancy stać čałaviekam №1 u krainie.
Na našuju prośbu PR-technolahi łaskava padzialilisia tak zvanaj «formułaj pośpiechu».
Takim čynam, kandydat u prezydenty musić:
1) kazać, što, kali jon stanie prezydentam, u krainie nia budzie vajny, a to, kryj boža, abieracie jakoha hienerała-haładoŭnika, jaki biez vajennych dziejańniaŭ nia moža žyć, a jon voźmie dy adpravić biełaruskich chłapcoŭ u Irak;
2) havaryć, što budzie i nadalej płacić pensii. Chaj małyja, ale ž jany ŭsio roŭna jość. Inšy chto mo ŭvohule płacić nia budzie;
3) abiacać zachavać biaspłatnuju medycynu i adukacyju. A kali i pryjdziecca zapłacić u bolnicy paru miljonaŭ za aperacyju ci ŭ škole zdać na ramont kabinetu raz u hod — heta drobiaź. Medycyna i adukacyja ŭsio adno buduć biaspłatnymi;
4) abiacać padniać sielskuju haspadarku. Miž inšym, nie z dapamohaj klatych kapitalistaŭ-fermeraŭ, a z našymi rodnymi kałhasami i staršyniami. Darma što apošnija najpierš budujuć sabie katedžy. Ale ž paśla jany dumajuć pra kałhas;
5) abiacać padymać sport. Budavać ladovyja pałacy i futbolnyja manežy. A to vystupajuć na Alimpijadach našy jak niedareki i niaŭmieki;
6) abiacać razabracca z karupcyjanerami. Pasadzić za kraty ŭsich, kamu ŭžo daŭno para, kab nia krali roznyja tam skryni ź ćvikami. Heta vam nia žarty;
Poŭnaściu hety artykuł možna pračytać u papiarovaj i pdf-versii "Našaj Nivy"
Źmicier Pankaviec, Barysaŭ
