Aktyvisty ZBS Siaržuk Siemianiuk i Vasil Lepieš zatrymany 11 kastryčnika za raspaŭsiud ulotak. 12 kastryčnika ich, a taksama Vitala Karatyša, Alenu Tałapiłu i Paŭła Batujeva zatrymali na vychadzie ź siadziby Zhurtavańnia biełaruskich studentaŭ, u pastarunku kanfiskavali materyjały suprać pažyćciovaha prezydenctva. 15 kastryčnika kandydatu ad PBNF Alaksieju Janukieviču akruhovaja kamisija skasavała rehistracyju. Volha Zavadzkaja 12 kastryčnika atrymała z sudu Centralnaha rajonu Miensku admovu: jana skardziłasia na Prakuraturu Biełarusi, jakaja nia choča adnavić śledztva. U Miaževičach (Słonimski rajon) milicyjanty zatrymali siabra BNF Uładzimiera Bruckaha j kanfiskavali ŭlotki. U Horadni Hienadź Skraboŭski 13 kastryčnika atrymaŭ 7 sutak aryštu za niesankcyjavany pikiet. Aktyvist AHP Andruś Kozieł (Miensk) byŭ zatrymany padčas rasklejki plakataŭ i pakarany 4 sutkami aryštu. Ivana Karatčeniu j Viktara Achremčuka , davieranych asobaŭ kandydata ad PBNF Viktara Ramaniški, zatrymali ŭ Śvietłahorsku padčas raźviešvańnia ŭlotak. U Dobrušy zatrymali i aštrafavali na 100 tys. rub. davieranuju asobu kandydata ad AHP Alesia Karnijenki Artura Curbakova , jaki pieravoziŭ hazetu «Niediela» i ŭlotki. U Miensku 13 kastryčnika milicyjanty blakavali ŭ dvary aŭtamabil Vitala Rymašeŭskaha ź pieradvybarnymi ŭlotkami, adpuścili jaho paśla pahrozy, što nadhlad aŭtamabila adbudziecca tolki ŭ prysutnaści žurnalistaŭ. Aktyvista «Viasny» Michaiła Paŭłava zatrymali ŭ Viciebsku padčas raspaŭsiudu ŭlotak. U davieranych asobaŭ kandydata ad PBNF Alaksieja Łapickaha (Žodzina), Śviatłany Łapickaj i Taciany Sabaleŭskaj 13 kastryčnika milicyjant padčas razdačy kala «BiełAZu» vyrvaŭ ulotki. Pravaabaronca Aleś Jaŭsiejenka atrymaŭ papiaredžańnie ad administracyjnaj kamisii: jaho zatrymali pry pieravozcy 30-tysiačnaha nakładu infarmacyjnaha biuleteniu. U Miensku ŭ štabie kandydata ad AHP Ivana Antaškieviča byŭ naładžany pieratrus, 15 kastryčnika jamu skasavali rehistracyju. Zdymačnaja hrupa polskich žurnalistaŭ na čale z Ahnieškaj Ramašeŭskaj-Huzy zatrymana 14 kastryčnika ŭ Baranavičach paśla sustrečy ź miascovymi aktyvistami demarhanizacyj. U Miensku akruhovaja kamisija skasavała rehistracyju aktyvista AHP Alaksandra Cynkieviča i siabra BSDH Aleha Vołčaka . Davieranyja asoby kandydata ad KPB, «aŭhanca» Ŭładzimiera Šokava źbili staršyniu mižnarodnaj dabračynnaj arhanizacyi «Ŭ dapamohu dzieciam-sirotam» Viačasłava Davidoviča paśla zaŭvahi, što jany parušajuć Vybarčy kodeks. «Biełaruski Dom druku» admovilisia drukavać nakład pieradvybarčaha numaru hazety «Tovariŝ» . Na aktyvistku Biełaruskaj asacyjacyi žurnalistaŭ, naziralnicu na vybarach Irynu Makavieckuju (Homiel) učastkovaja kamisija skłała akt, zapatrabavaŭšy adklučyć mabilny telefon i dyktafon. Mininfarmacyi admianiła zahad ab prypynieńni na 3 miesiacy niedziaržaŭnaj «Rehijanalnaj haziety» (Maładečna). Akruhovyja kamisii pazbavili rehistracyi kandydataŭ ad PBNF Alesia Michaleviča (Miensk) i Źmitra Šymanskaha (Bieraście). U Smarhoni milicyjanty prymušali valanteraŭ kandydatki Zinaidy Bandarenki Andreja Masieviča, Źmitra Dobrucha, Alaksieja Burdastych, Siarhieja Mikuliča dać pakazańni, što jany pracujuć za hrošy. Na studenta Paŭła Dranicu (Miensk) na vybarčym učastku za parvany referendumny biuleteń skłali pratakoł pra psavańnie dziaržmajomaści. U Horkach admovili ŭ rehistracyi naziralnicy Łarysie Samsonavaj . Vychad niedziaržaŭnaj «Miestnoj haziety» (Vaŭkavysk) Mininfarmacyi prypyniła na miesiac. Padčas rasklejki plakataŭ 15 kastryčnika byŭ zatrymany Jury Čavusaŭ . Michaił Marynič admoviŭsia ad medekspertyzy: jon ličyć heta sposabam zaciahnuć śledztva. U Horadni byŭ zatrymany Alaksiej Salej , jaki pravodziŭ apytańnie vybarcaŭ na vychadzie z učastku. Staršynia navapołackaj filii BSDH Ihar Valajeŭ byŭ zatrymany za raspaŭsiud ulotak. Uładzimier Pleščanka i Barys Chamajda ź Viciebsku atrymali pa 10 sutak aryštu za performans suprać referendumu. 16 kastryčnika nieviadomyja ŭ cyvilnym zapatrabavali ad českaha žurnalista Mirasłava Karasia ścierci videastužku z materyjałami, datyčnymi referendumu. Rasiejski žurnalist Pavał Šaramiet byŭ źbity j zatrymany. Padčas fłeš-mobu «Nas chvaluje los Biełarusi» ŭ Miensku zatrymanyja Aleh Łaryčaŭ i niepaŭnaletni Makar Vaŭčok . Z učastku №530 Uschodniaj vybarčaj akruhi vyhnali davieranych asobaŭ Vincuka Viačorki — Tamaru Mackievič i Leanardu Muchinu . Uviečary 17 kastryčnika aŭtamabil lidera PKB Siarhieja Kalakina patrapiŭ u spravakavanaje DTZ. Aktyvist PKB Uładzimier Padalan (Mahiloŭ) 18 kastryčnika byŭ vymušany zvolnicca z pracy. Na 10 sutak aryštu asudžany 18 kastryčnika za rasklejku ŭlotak Alaksiej Laŭkovič . U Miensku padčas akcyi pratestu zatrymany Nasta Azarka, Aleh Miacielica, Aleś Kalita, Źmicier Kalcho, Maksim Dvarecki, Dzianis Kryvanosaŭ . Kaardynatar «Zubra» Jaŭhien Afnahiel byŭ zatrymany, ale ŭviečary adpuščany. Staršynia KDB Leanid Jeryn zajaviŭ, što na Afnahiela zaviali kryminalnuju spravu. 19 kastryčnika kalehija Haradzienskaha abłsudu pakinuła ŭ sile prysud Valerju Levanieŭskamu i Alaksandru Vasiljevu , nie zadavoliŭšy kasacyjnaj skarhi. Akcyja 19 kastryčnika skončyłasia zatrymańniami dziasiatkaŭ čałaviek, mnohija ź ich byli asudžany 20 kastryčnika. Siarod ich Darja Małdavanava (10 sutak), Pavał Juchnievič (10 s.), Marharyta Ancileŭskaja , Taciana Jełavaja (5 s.), Natalla Uško, Pavał Chivuk (5 s.), Alaksiej Mikułovič , Michaił Kandrašoŭ (10 s.), Śviatłana Niecilkova, Maksim Viniarski, Andrej Baranaŭ (50 b.v.), Maryja Hanceŭskaja (5 s.), Artur Fińkievič (15 s.), staršynia «Maładoha frontu» Pavał Sieviaryniec (15 s.), kiraŭnik BSDP (NH) Mikoła Statkievič (10 s.), Andrej Duboŭski, Vasil Parfiankoŭ, Siarhiej Michalenka, Jury Fabišeŭski, Jarasłaŭ Navumienka, Michaił Kuźniacoŭ, Pavał Višnieŭski, Źmicier Zacharka (50 b.v.), Alaksandra Pachnina, Uładzimier Šydłaŭ, Arciom Voranaŭ, Dzianis Arciuškievič (5 s.), Alaksandar Kalita (10 s.), Kaciaryna Bondarava, Julija Alšeŭskaja, Siarhiej Androsienka, Aleh Radzivonaŭ, Mikałaj Arciuchoŭ (40 b.v.), Źmicier Paźniak (50 b.v.), Kanstancin Jekiel (50 b.v.), Siarhiej Rylkoŭ (3 s.), Ihar Chadkoŭski (40 b.v.), Dzianis Łaščynski, Siarhiej Malkievič, Źmicier Talkoŭ, Alaksandra Hieŭskaja, Siarhiej Krasoŭski (20 b.v.), Iryna Piarvojkina, Jaŭhien Vałkaviec, Alaksandar Vałčanin (trapiŭ u bolnicu), Rusłan Charkievič (10 s.), Źmicier Čartkoŭ , pres-sakratarka AHP Kaciaryna Tkačenka, Alaksandar Cynkievič (15 s.), Mikałaj Hančaroŭ (3 s.). Kiraŭnik AHP Anatol Labiedźka byŭ źbity AMAPam u restaracyi «Patyjo-pica» j trapiŭ u bolnicu z hiematomaj nyrki, pierałomam rebraŭ i čerapna-mazhavoj traŭmaj. Fotažurnalista «Associated Press» Siarhieja Hryca zatrymali, ale nieŭzabavie adpuścili, aperatara NTV Kanstancina Marozava źbili j raźbili jamu telekameru, byli źbityja žurnalisty «RenTV» . Karespandenta radyjo «Svaboda» Jurja Śvirka supracoŭnik słužby achovy prezydenta ŭdaryŭ u žyvot paśla prośby prakamentavać sytuacyju. Teležurnalistam Łatvii, Rasiei, Čechii nie davali mahčymaści pieradać videamateryjały za miažu Biełarusi.
Źviestki pra zatrymańni i pieraškody dziejnaści davieranych asobaŭ kandydataŭ, naziralnikaŭ i sacyjolahaŭ 11—17 kastryčnika niapoŭnyja. Ahulnaja kolkaść naziralnikaŭ, jakich siłaju vyhaniali z učastkaŭ, i sacyjolahaŭ, jakich zatrymlivali za praviadzieńnie ekzyt-pułu, vymiarajecca dziasiatkami čałaviek. Ahulnaja ličba zatrymańniaŭ davieranych asobaŭ kandydataŭ, jakija raspaŭsiudžvali pieradvybarnyja materyjały, vymiarajecca sotniami čałaviek.
AŠ
