Siarod abaviazkaŭ prezydenta — vinšavać kiraŭnikoŭ roznych dziaržaŭ z nacyjanalnymi śviatami.
Tak, ciaham apošnich miesiacaŭ kiraŭnikom biełaruskaje dziaržavy byli pavinšavanyja lidery Turkmenistanu i Francyi, Armienii i Malty dy inš. A voś 11 listapada nacyjanalnaje śviata Polščy — Dzień niezaležnaści — było, jak i letaś, abminuta. Jak i nacyjanalnaje śviata Čechii 28 kastryčnika — Dzień utvareńnia Čechasłavaččyny.
Eŭrapiejskija krainy, jakija najbolš aktyŭna pratestujuć suprać parušeńniaŭ pravoŭ čałavieka ŭ Biełarusi, ihnarujucca.
Nie atrymaŭ 15 listapada Alaksandar Kvaśnieŭski i vinšavańnia z 50-hodździem. Choć na minułym tydni vinšavańni z dniami naradžeńnia atrymali: z 60-hodździem — prezydent Kyrhystanu Askar Akajeŭ dy z 85-hodździem — kanstruktar aŭtamataŭ Michaił Kałašnikaŭ. A jašče raniej vinšavalisia pradstaŭniki rasiejskaha mastactva — Alaksandra Pachmutava, Mikałaj Karačancaŭ, Alaksandar Michajłaŭ — dy šerah druharadnych rasiejskich palitykaŭ: Sielaźnioŭ, Tulejeŭ i h.d.
Aleh Rajaviec
