«Adradzić Adradžeńnie»
Stvaralniki Chryścijanska-demakratyčnaj partyi nie źbirajucca prystasoŭvacca da hramadztva, jany chočuć jaho abudžać
«NN»: Vy planujecie jadnać ludziej na hruncie chryścijanskaj idei. Ci nie niasie jana adnačasova zierniejka raźjadnańnia pavodle vieravyznańnia, kanfesii ci ŭvohule pryncypu «vieru — nia vieru»?
Pavał Sieviaryniec: Chryścijanskaja ideja, ideja viery — heta ideja jadnańnia, supolnaja dla ŭsich kanfesij. My stvarajem niekanfesijnuju palityčnuju partyju, meta jakoj — abjadnać chryścijanaŭ na hruncie biełaruskaści. Pavodle statystyki, krychu bolš za 50% biełarusaŭ — vierniki, dyj toje mnohija ź ich vierać tolki ŭ haraskopy. Ale my ličym, što adradžeńnie nacyjanalnaj idei musić adbyvacca ŭ hetym napramku. Heta ideja nie dla 100 adsotkaŭ hramadztva, heta — ideja abudžeńnia.
«NN»: U jakoj častcy palityčnaha spektru raźmieścicca CHDP?
PS: My — pravacentrysckaja partyja. To bok kali paraŭnoŭvać z KCHP-BNF, dyk my značna bližejšyja da centru. Dla nas bolš važny sacyjalny balans, a nie tradycyja, što roźnić nas ad kanservatyŭnych partyj. Naša daktryna — raŭnavaha pamiž tradycyjaj dy patrebami sučasnaści. U jakaści analahu možna ŭziać Respublikanskuju partyju ŭ ZŠA ci CHDS u Niamieččynie. Ja liču, što da stvareńnia ŭ Biełarusi palityčnaj systemy amerykanskaha ci niamieckaha kštałtu varta imknucca. Razdroblenaść partyj pieraškadžaje vieści krainu napierad.
«NN»: Ci Vy jašče vierycie ŭ mahčymaść palityčnaha zmahańnia praz vybary?
Poŭnaściu hety artykuł možna pračytać u papiarovaj i pdf-versii "Našaj Nivy"
Hutaryŭ Aleś Kudrycki
