18.00 | Pierad pačatkam pracesu sudździa skazała: "Ja razriešaju vam hovoriť po-biełorusski".
Padčas sudu śviedki abvinavačańnia Šyško i Pačcienny błytalisia ŭ pakazańniach. Tak, Šyško zajaviŭ, što Dyńko byŭ zatrymany paśla taho, jak doŭha chadziŭ pa płoščy, niecenzurna vyražaŭsia i nie reahavaŭ na paśviedčańni asoby, jakija pradjaŭlali jamu milicyjanty. Na pytańnie Dyńka, jak heta mahło być, kali jon byŭ zatrymany adrazu pa vychadzie z aŭtobusa, śviedki abvinavačańnia nie znajšli što skazać. Adnak sudździa Krajčyk Alena pryznała ich śviedčańni praŭdzivymi i vartymi davieru. Śviedčańni Vieraniki Dziadok i Alesia Kudryckaha, jakija jechali razam z Dyńkom u aŭtobusie №100, uziatyja pad uvahu nie byli. Śviedkaŭ Tacianu Kalinoŭskuju i Jurasia Karmanava, jakija bačyli zatrymańnie Dyńka, navat nie zaprasili ŭ sudovuju zalu.
Redaktar “Našaj Nivy” budzie adbyvać pakarańnie ŭ specpryjomniku-raźmierkavalniku na Akreścina.
Fota Julii Daraškievič
