U Horadni ciapier adbyvajecca ramont carkvy Rastva Baharodzicy, u vyniku jakoha niaviečycca hety pomnik architektury.
Hetaja ŭnijackaja carkva była pabudavana ŭ pieršaj pałovie XVIII st. italjanskim architektaram I.Fantana. Paśla likvidacyi Unii carkva stała pravasłaŭnaj, ale nie pierabudoŭvałasia i zachavałasia da našych dzion u pieršapačatkovym vyhladzie. U 1985 h. była zroblena restaŭracyja carkvy i klaštaru, i hety pomnik architektury addali muzeju historyi relihii. U 1992 h. haradzienskija ŭłady pieradali hetuju carkvu i klaštar Rasiejskaj pravasłaŭnaj carkvie, a nie ŭnijackaj hramadzie Horadni, jakaja prasiła addać hetuju carkvu joj. Pravasłaŭnyja jararchi niebiełaruskaha pachodžańnia ŭsprymajuć eŭrapiejskuju architekturu jak štości čužoje, niesumiaščalnaje z pravasłaŭjem. Nieŭzabavie paśla pieradačy carkvy RPC byli zamienieny z hustam zroblenyja z čornaha metału kryžy na masiŭnyja pazałočanyja. Ale hetaha akazałasia mała. Niadaŭna na kupale, krytym paciamniełaj miednaj blachaj, zamacavali šmat pazałočanych zorak, dach pafarbavali ŭ sini koler, abharadzili hazon kala carkvy niedarečnaj aharodžaj.
Aleś S., mastak, Horadnia
