Majo serca ŭ dalokim poli
Pakaciłasia sonca ŭ ciemradź
Mieła śmierć mnie praklon złahodzić
A złahodziŭ maleńki sokał
Maje koni stryhuć vušami
Jak bluźnieryła ŭ skroniach horyč
Maja pomsta čakała času
Mieła śmierć mnie praklon złahodzić
Nie ŭ paru nalacieła ściuža
I vaŭki čałaviečaj movaj
Na viačeru prasili ščyra
Ŭ adnu noč pierasoch kałodziež
Urastali ŭ ziamlu dziadzincy
U kaściach nyli kości prodkaŭ
I uklenčyŭ nam Boh u dušach —
Zmoŭkła viera ŭ hłuchich bałotach
Rudazołatam haśli piorki
Ŭ śvietłym chramie zachodu sonca
Uśmichnulisia płački; mroiŭ
Volny duch ab dalokich vojnach
Chto adnoje kryvi sa mnoju
Hałasiŭ nad majoj žałobaj
Mieła śmierć mnie praklon złahodzić
A złahodziŭ maleńki sokał
Poŭny varyjant čytajcie ŭ papiarovaj i pdf-versii hazety "Naša Niva"