Hrupa movaznaŭcaŭ praktyčna zaviaršyła svaju pracu nad novym Zvodam praviłaŭ klasyčnaha pravapisu. Prajekt dasłany na apošnija recenzii. Miarkujecca, što paśla nadrukavańnia im buduć kiravacca niezaležnyja vydańni i skončycca raznaboj. Na pytańni «NN» adkazvaje Źmicier Saŭka.
«NN»: Klasyčny pravapis viarnuŭsia ŭ biełaruski druk 15 hadoŭ tamu. Jon prystasavaŭsia da sučasnych moŭnych realijaŭ. Ale navat niaznačnyja adroźnieńni miž jaho varyjantami, praktykavanymi ŭ roznych vydańniach, błytajuć jaho karystalnikaŭ. Da jakoha etapu prasunułasia sprava kadyfikacyi klasyčnaha pravapisu?
Źmicier Saŭka: Majem prajekt, vynik našaj dziejnaści za piać hadoŭ. Pierad zakančeńniem pracy my źviarnulisia z ankietaju, jakuju drukavała taksama «NN». I atrymali vodhuki, jakija byli ŭličany pry padrychtoŭcy prajektu. Ciapier my razasłali prajekt na recenziju ŭ 25 vydańniaŭ i instytucyjaŭ, u tym liku Biełaruskuju asacyjacyju žurnalistaŭ, Instytut movaznaŭstva Akademii navuk, hazety «Źviazda», «Naša Niva», časopisy «Rodnaje słova», «Arche», «Dziejasłoŭ», asobnym ludziam nakštałt a.Alaksandra Nadsana, Uładzimiera Arłova, Alaksieja Rahuli j inš. z prośbaj dasłać vodhuki da 1 lutaha.
Pa vynikach recenzij pracoŭnaja hrupa vypracuje kančatkovaje rašeńnie. Jano budzie realizavana ŭ vydańni, jakoje vyjdzie vialikim nakładam. Taksama jano budzie vystaŭlena ŭ Internecie i adkryta dla karystańnia. Spa¬dziajemsia, što całkam nadrukujuć hety Zvod niezaležnyja peryjadyčnyja vydańni, — «Naša Niva» i «Naša słova» abiacali.
«NN»: Ciaham jakoha času možna budzie čakać apublikavańnia?
ZS: Kali recenzenty nie zatrymajuć (my praduhledžvajem, što niechta moža napisać vielmi šyroki hruntoŭny vodhuk, ź jakim nam pryjdziecca doŭha raźbiracca), da 1 sakavika budzie pryniata kančatkovaje rašeńnie. Plus niejki čas na vydańnie. Takim čynam, možna ličyć, što knižka budzie prymierkavanaja da 25 Sakavika.
U vydańni budzie taksama pakaźnik słoŭ, pravapis jakich rehulujecca Zvodam, i advarotny słoŭnik, jaki budzie pakazvać pravapis finalaŭ. Jon daść mahčymaść čałavieku, jaki nie znachodzić pravapisu kankretnaha sło¬va ŭ knižcy, zazirnuć u słoŭnik i pahladzieć, jak pišucca padobnyja słovy.
«NN»: Ci budzie hety Zvod uvie¬dzieny ŭ prahramu pravierki arta¬hrafii «Litara»?
ZS: Na ŭzroŭni padychodaŭ toje, što my padali hod tamu ŭ «Litaru», i toje, što trapić u kančatkovy Zvod, praktyčna nie adroźnivajecca. Źmianilisia chiba što niejkija ilustracyi, napisańni kankretnych słoŭ. Inšaja reč, što lu¬dzi, jakija pracavali ź «Litaraj», nia ŭsio ŭličyli z taho, što my padavali. Raźbiežnaść nie fatalnaja, ale što datyčyć pravapisu pazyčańniaŭ — zaŭvažnaja, i pryj¬dziecca «Litaru» padpravić. Ja pieradaŭ prajekt kaardynataru «Litary» Siarhieju Kručkovu, pierašlu taksama kaardynataru prajektu z boku fundataraŭ — Siarhieju Šupu.
Poŭny varyjant čytajcie ŭ papiarovaj i pdf-versii hazety "Naša Niva"
Adam Voršyč
