«Vo, bandziuhi, narod abdzirajuć!» — dumaŭ Mikoła, mechanik z traktarnaha zavodu, atrymlivajučy zarobak u žniŭni 1994 h. Heta ž nie denaminacyja, a machinacyja niejkaja — u dziesiać razoŭ mieniej hrošaj dali! «I kali heta skončycca?» — čuchaŭ patylicu Mikoła ŭ studzieni 2000 h., kali byli adrezanyja ad zarobku jašče try nuli. Čutki pra novuju denaminacyju raźviejaŭ hałoŭny bankir Piotar Prakapovič 1 lutaha: sioleta nuli pierakreślivać pakul nia budziem. Pačuŭšy heta, Mikoła spakojna ŭzdychnuŭ, pieražahnaŭsia dy loh spać.
I pryśniŭsia Mikołu žachlivy son: nibyta nie było ŭ nas nijakich denaminacyj, a zarobki pačali vydavać «vavioračkami» — kolišnimi samymi małymi biełaruskimi kupiurami naminałam piaćdziasiat kapiejek. Pajšoŭ Mikoła da kasy, kab zabrać svaje 435 tysiač rubloŭ (akurat zarobak siaredniestatystyčnaha biełarusa). Lepiej by nie chadziŭ.
Zarobak Mikoły padvozili da kasy braniravanym «BiełAZam»: 8 miljardaŭ 700 miljonaŭ banknot — nia žartački! Mikoła chacieŭ byŭ ich pieraličyć, ale plunuŭ na hetuju zadumu — navat kali b jon, niby aŭtamat, prapuskaŭ za sekundu pa piać papierak, prasiedzieŭ by la kasy 55 hod.
Stos papierak siaredniaj zašmalcavanaści atrymaŭsia bolšy za kilametar u vyšyniu — heta ž 25 abeliskaŭ na płoščy Pieramohi! Kudy padzieć hetkaje bahaćcie? Kvatera ŭ Mikoły zanadta małaja. Spačatku chacieŭ jon pakłaści ich na płoščy Niezaležnaści — uvieś plac ukryŭsia b słojem hrošaj taŭščynioj u 9 santymetraŭ. Ale ž tam padziemny horad budujuć…
Poŭny varyjant čytajcie ŭ papiarovaj i pdf-versii hazety "Naša Niva"
