Adkryty čempijanat Biełarusi pa chakiei z šajbaj uziaŭ paŭzu da 17 lutaha. Choć da zaviaršeńnia pieršaha etapu zastałosia pravieści pa čatyry-šeść matčaŭ, ale intryhi bolš niama: vyznačylisia ŭsie ŭdzielniki płej-of.
U 1/4 finału trapili mienskija «Kieramin», «Junactva», «Homiel», mahiloŭskaje «Chimvałakno», «Chimik-SKA» (Navapołacak), «Sokał» (Kijeŭ), «Ryha-2000» i «Metalurhs» (Lijepaja). Nadta ŭžo istotnaja roźnica ŭ klasie miž imi i čaćviorkaj niaŭdačnikaŭ — «Bieraściem», «Viciebskam» dy niekali hroznymi mienskim «Dynama» i haradzienskim «Niomanam».
Dvuchtydniovaja paŭza ŭ čempijanacie vyklikana pieradalimpijskaj kvalifikacyjaj. Biełarusy (hałoŭny trener — Michaił Zacharaŭ) hulajuć u Ryzie — razam z haspadarami, a taksama zbornymi Słavienii i Polščy. Vyhladaje, što Łatvija i budzie hałoŭnym supiernikam biełarusaŭ. Ale moža padnieści siurpryz našaj zbornaj i Polšča.
Zachodnich susiedziaŭ treniruje Andrej Sidarenka, jaki na pačatku 1990-ch byŭ «koŭčam» biełaruskaj družyny. Sychod Sidarenki z pasady hałoŭnaha trenera byŭ skandalny: jaho tady padsiedzieła hrupoŭka chakieistaŭ, jakuju ŭznačalvaŭ akurat Michaił Zacharaŭ. Ciapier u sp.Andreja jość vydatny šaniec adpomścić svajmu kryŭdzicielu.
Poŭny varyjant čytajcie ŭ papiarovaj i pdf-versii hazety "Naša Niva"
