Volnyja mulary ŭ biełaruskaj historyi. Kaniec XVIII — pačatak XX st.
/ Układ. i nav. red. d.hist.n. A.Smalančuk. — Vilnia: Gudas, 2005. — 280 s. 500 as.
Zbornik — adna ź pieršych histaryjahrafičnych sprobaŭ aśviatleńnia dziejnaści masonaŭ jak u Biełarusi, tak i na Haradzienščynie. Siarod aŭtaraŭ jak biełaruskija navukoŭcy — Viačasłaŭ Švied, Aleś Smalančuk, Maryna Sakałova, Siarhiej Rybčonak, taki i ich polskija kalehi — Tadevuš Cahielski, Stanisłaŭ Małachoŭski-Łempicki.
U knizie idziecca pra małaviadomyja staronki masonskich ložaŭ u Biełarusi, raźvićcio ruchu «volnych mularaŭ» u Horadni, Miensku, adradžeńnie masonskaha ruchu ŭ pačatku XX st. Aŭtary vydańnia dakazvajuć, što masonstva ŭ roznyja peryjady biełaruskaj historyi było značnym faktaram hramadzka-palityčnaha i kulturnaha žyćcia.
Anton Łabovič, Horadnia
